８／７
這天我和朋友到了清水灣游水～
中午時份（最曬個時）約左響觀塘等～之後就坐電單車入去！
第一次坐電單車～我異常緊張！
好驚跌～好驚側邊ｄ車～好驚炒車～所有野都好擔心．．．
我又猶豫緊轉彎時～我個人應該繼續坐直定跟住個彎去．．．
突然好多個問號響我頭頂～～～好驚好無安全感！

去到清水灣～
個時人唔係咁多～太陽唔係咁猛～連雨都無！
真係好開心～我仲極快吹漲個大水泡～飄左出去浮台～仲第一次上浮台！
不過有件事就嚇死我～響浮台游返去岸～因為唔夠氣～差ｄ死．．．
好在我朋友及時游到我身邊～否則我已經死左！感謝主～
一諗返起就好驚！

大概四點半左右～我地就回程！
坐多次電單車～嘻～開始無咁驚～終於可以單手扶車尾！
不過我地好驚見到ｐｏｌｉｃｅ喎～
因為架車原來係無燈～一入黑見到ｐｏｌｉｃｅ就會俾人捉～
一捉又唔知要罰幾多＄！
所以要響開街燈之前放棄架車！

晚餐選擇左目黑～今次好味過上次喎！
尤其係個粟米！Ｙｕｍｍｙ～

曬完之後～黑左！
但我覺得自己膚色靚左～特別係個膊頭！
仲想曬黑多少少呀～