早上hea了一天, 始終不知怎開口. 不斷走去勘水, 唔敢接野做. 忐忑不安.

午膳,與一眾同事一起,極度愉快,可惜已是最後一次,心裡很難受.

火燒眼眉,不管三七二十一,衝入久留經理房間,用差劣日語跟他說我要辭職.唉,又要閂門面談.他當然有問原因,我好老實(現在回想是太老實)地回答,氣得他問我:這就是香港人的做事方式嗎?...那是moral的問題云云…唉…說得我無地自容,之前準備好的若干對白完全用不上.唉,羞愧地離開他的房間.

之後又要同香港人的經理再講一遍.唉,佢係咪見慣見熟呢,還是已成定局無謂浪費時間,總算避過一次責難.

最後係wendy問我…唉…佢好好人…可惜我地無緣…唉…臨收工時何師傅回來,都唔知點樣同佢講再見,惟有扮無事發生…又錯過一個好人…

我不擅看人,但有D人,你第一眼已對佢沒啥好感.可是那裡的人大都令我感覺良好,且是樂意令彼些關係變得更好的.唉.始終”人”是最寶貴的.失去時亦是令我最痛心的.

收工,先回舊公司,六時十五分回去,竟然只餘下老細,使徒及明哥哥,大家守時的美德似乎急速提升.把剪報給使徒,順手幫明仔改保單,又為自己及珍妮絲打離職證明.明哥哥叫到,幫佢print埋申請電郵表格,睇埋printer問題.無理由沒job jam住會不能列印的嘛,在望多兩眼下,發覺果然係jam 紙,仲要jam得幾麻煩果種,好在附近的文具櫃有眉鉗(總之係細鉗一個),俾明哥哥”雙鉗齊下”後終於夾番張紙出黎.

排練,赫然發現男兒當自強未有譜,後來嗩吶又唔齊譜.老天! 另一方面,在團長出聲呼籲下,好快收齊番所有譜,不少還接疊整齊,太好了! 餘下的只是將他們入番公文袋~~~

現在在星期六已不用再上班, 愛樂的譜, 我不會再冷落你們的了.