今日上堂睇花師奶學日文。
今集係講花師奶一家個露台多左個雀巢，
有一日，有隻麻鷹想捉雀仔，
雀爸定雀媽即刻詐死引隻鷹注意，
用自己生命保護仔仔女女。

睇到呢度就好想喊。

不過，呢套既然係我們這一家，
就唔會咁溫情既。
當花老爺同花師奶感慨緊以前湊仔既事，
阿柑同阿桔覺得自己大個左唔同父母住，
佢地一定好寂寞；
但查實花老爺同花師奶只係覺得，
仲要照顧多佢地幾年！

番屋企睇一屋四人，
睇到ＭＡＭＡ話總有一日ＭＥＩＭＥＩ會拖另一個人隻手，
覺得好唔捨得就喊左出泥。

其實，我一直覺得我同阿媽，
看似好ＣＬＯＳＥ，會一齊行街咁，
但認真覺得，其實感覺唔ＣＬＯＳＥ。

一直覺得，對屋企其實無咩歸屬感。
四年班第一次離家７日去ＯＵＴＷＡＲＤＢＯＵＮＤ，
當有同伴夜裡偷喊，我一Ｄ都無想家。
後來去英國，去日本，掛住既都係男朋友多。
今次呀，仲有掛住朋友同香港Ｄ野食。

無錯我好感激生於呢個屋企，
生活無憂得緊要。屋企有發生過比較大既事，
阿媽話都唔想話比我知。
想買咩有咩，旅行年年有得去，
唔會話管得超嚴，又唔係理得我去死。
都唔知有咩可以挑剔，真係無。

只係，唔知點解，會覺得好唔ＣＬＯＳＥ，
甚至有種唔好屬於呢個屋企既感覺。

那一次滑雪，當我在後面望住你地三個個背影，
這種感覺尤其深刻。

可能係因為咁，
上次男朋友一句戲言我先會咁大反應。
可能係因為咁，
人地話阿妹同阿爸阿媽似樣，
我暗瓦底會有一絲唔開心。

果次滑雪，因為被發現日本之旅既事，
關係變怪，同阿媽坐吊車冇乜兩句。
阿妹又唔係好ＳＨＯＷ我。
同老豆坐，其實我覺得佢係愛我的，
只係唔知點相處好，總之就係一個字，怪。
那刻覺得，同屋企人都冇個可以感覺自然地相處。
一ｄ都唔似屋企人。

其實我知道自己一直渴望一種同老豆ＣＬＯＳＥ既關係。
自從中３開始，
我就好想比老豆攬住，挨住老豆膊頭，
係一種好想係老豆身上搵安全感既感覺。

可能係因為種種這樣的感覺，
我將我好多好多感情都放晒系男朋友度。
唔知男朋友會唔會覺得。
其實我都幾情感上依賴佢的。

我記得當我同我阿媽簡述男朋友既背景，
阿媽會擔心佢會好依賴我，
ＩＲＯＮＩＣでしょ？

以往一直會覺得如果我咁樣諗野，
應該都係亂諗野多，
但今次，我覺得，我唔係亂諗野。
我堅係有咁既感覺。
我唔想比人ＪＵＤＧＥ我係成日都胡思亂想既人。

客觀的說，我係冇咩需要有咁既感覺，
但我真係有丫嘛，咁點喎。