今日終於可以繼續打拉闊古巨基: 因為我同apple都冇飛 所以都預左係冇位坐(總好過冇得睇 一開場係鄭中基(都唔知同古巨基有乜關係) 唱左3首歌 古巨基終於出場 我第一次睇拉闊亦都係第一次睇古巨基現在唱歌 真係勁開心 但我企果個位實在離台太遠 細粒到都分唔清邊到係眼邊到係咀 所以佢話要多謝山頂既朋友都啱既(同山頂比我已經算做近) 好彩有個大銀幕 都叫ok啦 開頭佢唱左好多女歌手既歌 因為佢唱假音叻嘛 都唱左好多佢近期出過既歌 都有舊歌 最記得佢唱"其實我...我...我..."因為我好中意呢首歌 如果唱d國語歌仲好 不過一首都冇 佢當晚好鬼high 唱得又激動 又歪咀 又大聲 其實都幾好笑 而且成日有爆肚情況 加上我又心情好 真係笑唔停 之後到尾段 鳴謝時又唔見左張貓紙 好彩佢到背得出(但我唔知有冇漏) 比佢笑死 之後佢唱"我的驕傲"前講左段佢冇唱歌時既感受 講講吓已經忍唔住喊 但佢果時係嗚低身見唔到樣 都佢慢慢企返直 一見到個樣真係忍唔住笑咗出嚟 全場觀眾都"嘩嘩"聲 佢當時兩行眼淚加兩行鼻涕 個鼻又紅晒(喊到好似小朋友咁)仲要一路講埋佢想講既說話 其實我當時係好感動嫁 不過因為之前笑左 d感覺好矛盾 佢唱"我的驕傲"時 佢唱唔到時我都有唱嫁(當叫做支持佢啦) 同佢講完 d人送野比佢 佢都仲係兩行眼淚同鼻涕 仲要同台下 Ba叔傾計 過咗陣先問人有冇紙巾 先知原來佢冇紙巾 所以先抺唔到面 我記得比紙巾佢果個係單立文 之後佢仲要好低死咁話"抺鼻涕好核凸嫁 唔好睇呀" 講完就令轉面整