如果我有錢，我可以幫老豆供甩層樓～
如果我有錢，我可以買多楝別墅俾父母，最好在愉景灣～
如果我有錢，我可以再買一層樓俾自己住～
如果我有錢，我可以買一架車給父母，一架吉普車給自己～
如果我有錢，我可以捐一筆可觀的款項給慈善機構～
如果我有錢，我可以買好多好多書～
如果我有錢，我可以將間屋重新裝修～
如果我有錢，我可以開間書局，再開間ｃｏｆｆｅｅ　ｓｈｏｐ，俾同道中人多個聚腳點～
如果我有錢，我可以考上海音樂學院的八級試（笛子）～
如果我有錢，我可以唔駛諗就可以同朋友去台灣～
如果我有錢，我可以趁放假去旅行，遊遍全世界～
如果我有錢，我可以買部功能齊全的專業相機連各種配件，方便日後記者工作～
如果我有錢，我可以請朋友食餐勁～
如果我有錢，我可以助養好多兒童，等佢地唔駛受咁多苦～
如果我有錢，我可以留港消費，刺激經濟～
如果我有錢，我可以出錢出力支持同志平權運動～
如果我有錢，我可以容易ｄ幫到朋友～
如果我有錢，我可以唔駛擔心因為窮而搵唔到女朋友～
如果我有錢，我可以去德國讀哲學，一定可以～
如果我有錢，我可以買返塊新的羽毛球拍～
如果我有錢，我可以重新調整自己，免得恃財傲物～
如果我有錢，我可以令家人，包括所有親戚生活好過一點，不富貴亦要生活無憂～
如果我有錢，我可以買好多正ｃｄ～
如果我有錢，我可以捐款俾集合出版社～
如果我有錢，我可以進行多項投資，以錢為我賺更多錢～
如果我有錢，我可以捐錢俾勞校～
如果我有錢，我可以做好多自己想做的事～
如果我有錢，我可以叫父母即刻退休，唔駛做得咁辛苦～
如果我有錢，我可以令阿媽盡情發展她的興趣～
如果我有錢，我可以更專心讀書，唔駛擔心冇錢用～
如果我有錢，我可以報好多興趣班，學多好多事物～
如果我有錢，我可以２４小時ｋｅｅｐ住上網唔怕冇交月費而斷線～
如果我有錢，我可以享受睇住女朋友瘋狂購物的畫面～
如果我有錢，我可以給自己一個五星級的家～
如果我有錢，我可以漫遊絲綢之路～
如果我有錢，我可以成為大商家，與李超人家族搞對抗～
如果我有錢，我可以影響政局，垂簾聽政～
如果我有錢，我可以選擇我喜愛的生活～
如果我有錢，我會感謝上天俾機會我成為有錢人～

如果我有錢，我可以發白日夢唔俾人鬧～
可是我有錢嗎？沒有～
所以，是的，我剛又被罵了～