一連兩日的沙田IVE開放日..

已告結束..

我兩天都有返學校睇下..

第一日其實都因為個晚約左Angela食飯..

同埋個Talk..

(講真..個Talk..都真係幾深..

如果我地下個學期同Yr3都係搞呢d野..咁都幾大件事..)

晚上去左MK食元綠..好耐冇食..

味道同以前差唔多啦..

不過叫多左個清酒煮蜆..

因為我知道妳鍾意食..

所以我想試一下..如果好食就帶妳食..

不過..嗯..原來唔係好好食..

好一般...d蜆仲有沙..

妳如果睇到呢度..記住去到唔好叫呀..知唔知??

嗯..angela同妳都一樣..

都感受得到我個d不自然的"自然興奮"..

不過我都冇咩機會同佢講妳啦..

佢不停咁講佢隻狗..

嗯...講狗唔係唔好..

但都要睇對方係唔係好有興趣講囉..

哈哈..睇佢講到個個開心樣..

都唔好意思同佢講其他野..

餐飯其實都幾ok既..

叫做開心架都..

食完飯..

由MK行到TST..

再好白痴貪平..搭錯左船去左中環..

誤打誤撞去左"香港繽紛冬日節"

見到幾高很高的聖誕樹..

個一刻我好想好想妳可以在我身邊..

陪下我..

等我可以感受初冬的感覺

不過..唔可能喇