聼晚我就開始我嘅離家之旅喇...10個锺嘅車程...諗起都可怕...諗起唔知到時坐我隔離嘅係咩人就更可怕...因爲我有陰影...

有一年我同樣係離家之旅, 即使10個锺車程我都好輕鬆嘅, 但坐我隔離嘅係一個肥中年女人...佢肥我一D都唔介意...即使佢係一隻牛我係一隻蚊都無所謂...佢係中年女人我就更加無所謂...但佢有一個至命缺點...就係臭...非一般嘅臭...

我唔知道佢有幾耐無沖過凉...我祗係知道嗰10個锺我生不如死....佢坐我左邊...我好努力將頭轉去右邊....連呼吸都要好小心...難得佢行開去厠所, 我先將頭轉返左邊好好呼吸我自由清新嘅空氣. 但當佢返嚟我又開始受難喇...

我好希望佢喺中途某D站會落車...但世事往往都係無咁如意嘅...佢同我一齊坐到去終站...唉....

我爸爸應該好慶幸可以見到我依然在生咁行落火車...

嗰次之後我對坐我隔離係咩人都存有恐懼感....