媽媽生日,禮物當然一早就送咗啦~ 蛋糕都訂好咗喇~ 今次試新口味~

我仲買咗兩個冰皮月餅~ 芒果味嘅~ 反正大家都未食過, 所以今年就試下啦~~ (雖然冰皮出咗好耐.....)


今晚打邊爐, 我提議媽媽開紅酒飲, 其實我係想媽媽飲,因爲佢鍾意, 雖然我唔係好鍾意飲酒, 但大家開心我就飲少少啦~ 點知.....(好難飲...)

登登登凳~~~蛋糕出場~~~~

啱啱好我今年生日25歲嘅蠟燭可以俾媽媽用作52歲生日~


我想影一張好睇嘅蛋糕相,所以不斷咁影,

媽媽見我要影相, 所以入房換咗件衫出嚟企喺我旁邊.

媽媽見我係咁影個蛋糕忍唔住出聲:"你做咩係咁影個蛋糕啊?...你傻咗啊?.."

我先發現原來佢等咗好耐,哈哈哈哈~~~~ sorry sorry~~

但我見媽媽件衫有D誇張...但佢話咁様影相先好睇喔....

結果佢睇完我幇佢影嘅相之後都同意我嘅睇法喇.....所以都係唔擺佢嘅相上嚟喇....


講返個蛋糕....諗住試新口味, passionfruit, 點知都係覺得之前嘅好食....