今日約左一個朋友到深圳東門玩,我地下午4點先到達,由於時間唔係好多,所以我地一早諗定要行邊度同埋要買咩野~不過行下行下又好似無咩心機行喎......可能周圍實在太多人喇!而且我發覺到,原來大陸d野仲貴過香港......佢地一黎就標個價錢好高,一對好核突既涼鞋佢地居然夠膽話要$430,我地當堂嚇到"嘩"嘩"聲~但之後d sales又話可以講價,我地梗係唔理佢啦!我地又唔係d鍾意講價既人,無謂講黎講去浪費時間啦.......

行左好耐,覺得肚餓,我地去左pizza hut度良食野,一個二人套餐都係$118...有一個pizza,兩碗湯, 一碟雞翼同埋黑森林蛋糕兩件...好平呀!!不過我覺最得意既就係原來係有正方型既pizza~

之後我地去左打保齡,今日打得唔係咁好,最高先得108分,而且指甲都打到崩左,又好鬼累喎...-_-"不過唔緊要啦~睇到今日買到既戰利品,就算累死都值得啊~

好開心既一日!!