人大左,就會覺得家庭最重要. 我以前會覺得事業係排得前過家人. 不過入左U之後,其實我知道若果沒有你們.我會無左精神上的支持.

有一日,有位同我好好熟的R同學說:[原來你住公屋ga?!] 係.其實我個心一路有心結.我真係幾憎我而家住的地方.我唔想提起我的地方.基本上,沒有自己的房間,同埋真係好細. 另外,我都對你們無給我細過學器感到不是味兒.

不過我真係好想講..好想講.我真係無怨你地.我知道你地已經盡晒力去養育我.真是的.可能你地會覺得我咁講其實係心底係有怨言.其實我真係無怨你地.爸~我見你要返夜班,搞到隻眼有d唔妥.好想同你講:年紀大左,係要睇多 d doctor ga la. 我真係無怨妳. 我見妳用手洗衫.果膝又話痛.我真係好想一手車你兩巴. 我果日發火講左句:妳成日屈係度洗衫,搞到膝痛,係自己拿來賤! 我講完真係好後悔. 可能我真係太過火,不過我真係好唔想你仲係咁樣洗落去.有d住 hall 人會帶 d dirty衫返home.我就真係反而想拿晒 home d dirty 衫番Hall!

我知你們愛我,我真係無怨你地!

在我心內,我可以無左任何人,甚至無左自己.不過我唔可以無你地.
我仲好記得以下每一件事......媽~妳由細到大陪我睇過好多次跌打. 爸~你等我放學,買定冰條給我食. 媽~妳因為我做功課做得慢,掉左我果書包. 你們帶我去公園玩四驅車. 新年,你們買新衫新鞋給我. 你們對我重讀的支持. 爸~當我入到U時,你替我高興的表情.你講左句:我都話我過仔係唔輸給其他人. 我真係好想 cry,好感動! 爸~我係上海做placement, 你寄給我的一封信. 這封信好似係我第一次收到你的信. 你d字,這封信.真係好靚好靚! 媽~我記得我地同aunt去過海洋公園玩.我知道無論以後去世界上任何一果公園和迪士尼.就算佢地d機動遊戲有幾激’fing到有幾高,又有幾靚. 都一定唔夠細過的我和妳一起玩的感覺美妙.

很抱搛.我唔係才華洋溢的,又不是勤奮克檢的人. 我只是一個忠於現在的自己,忠於我家庭的人. 我絕對唔會做出對自己的家人唔住的事.亦唔會連累你們. 但我可以為自己和家人的利益對其他人做盡壞事. 我係一個除了父母,唔怕任何事和人的人!

一直以來. 我都覺得未來會遇到的核心問題. 就係為左事業會唔會去外邊發展.其實唔知點解, 我覺得自己係外邊的發展會好過係HK發展. 將來.我唔捨得的,一定唔係香港的五光十色,有時我反而覺得光太過耀眼.只會令自己開不眼,開不了心. 獨生子的我,真係好唔想自己唔係我的父母身邊! 有人話:你唔可以咁唔 Grow up ga bor,成世係parent身邊. 我覺得若果可以係父母身邊,而自己又可以事業有成的話. lei D 先係 Grow up~ 自己一個人扮浪子,唔代表 grow up~ 做一個事業有成的裙腳仔絕對係我的理想! 我唔同其他人,屋企有車or有樓or有錢剩.不過我一d都唔會自悲~ 我知道我總有一日,我可以請parent 一齊去還遊世界. 完成Lei 果project,我相信會係我人生最開心的事.