嘩…原來我已經有個幾月冇打過嘢了，呢個月好忙，等我打d深刻d嘅先…

唔…5月25日，水哥同阿正的正日生日，我就遲兩日，csu第一組幫水哥、阿正同我慶祝生日，多謝你地呀，好開心呀，可以有咁多第一組的人到，雖然時間唔係好多，雖然少了幾個人，但係我已好滿足呀…重要多謝你地送的禮物，本書我重未睇呀，不過我諗會好好睇的，我會細心品嘗的了。

5月27日上去見了阿女，佢好病呀，但又要玩，搞咗一輪先肯返屋企，之後去幫譚小朋友補習，唉…都算係咁啦，新的字識，但舊的(之前識的)就錯晒，我都唔知好嫐定好笑…再之後就上咗細阿媽屋企，然後就一齊去了旺角樓上cafe食晚飯，都係好開心呀，因為都好齊人呀(有埋grandmother就好了…)，我飲了米奇老鼠，好味呀…多謝你地的禮物，更要多謝你地對我的重視，有你地真好。

5月28日去了iccf的聚會，但係我病了，所以狀態極度不佳，被人遞解出境，唉…本來諗住可以同你地食飯添…不過我知你地係為我好的…多謝璇璇請我食的蛋糕，好好味呀，多謝Joey送我的禮物。之後病情嚴重了，在家昏迷咗三日…

5月31日之前，除了上面所講的事，其他時間就係返工、返教會、上樂理同練歌，好充實呀！講開返工，好感恩呀，因為彈性好大，時間任我，又可以有工作經驗，老細又好好人，最感恩的係我真正感受到咩叫將信仰同日常生活結合，我要向老細好好學習先得！

六月…好充實的一個月！！

頭一個星期都係返工、上樂理和練歌，再講多一次：老細真係好好，好似阿媽咁錫我！6月3日考樂理，果然如阿ming所講，好多小朋友都做得超快，我做到一半時，我隔離的小朋友已覆了卷三次，坐喺到玩手指，唉…好慚愧呀！完咗同Christy講，第一次唔怕肥！(唔係因為我識，而係因為肥咗都冇後果)我發現我都幾鍾意讀樂理，但都係考得差呀！

之後一個星期入了SWAM CAMP，好多思想的時間，我多得着，但我還要時間整理！出CAMP之後要返學校練歌了，雖然好攰，但係都幾enjoy呀…喺camp中知道了成績，差過上一個sem，可以話係差好多，但係感恩，大部分都比想像中好，只有科law死得好轟烈，唉…

星期六，早上去咗同譚小朋友補習，超嫐！！！所有耐性用晒！！真係有冇搞錯？！你未温好書就唔好叫我同你補，你考中史呀…你唔温書，我上去睇你温咩？早知係咁，我就留喺屋企練歌好過！！點解我要上去嘥時間？唔補的決心高達100%！

下午練歌，晚上獻唱，超樣衰…一出場就p了，唉…瞓身支持唱得好差！

19/6係交職的大日子，好開心呀，見到好多舊生都有返嚟，我地在承傳歷史呀！

MTV camp，比想像中悶，不過都有好多嘢啟發我！多謝兩位好組長！

30/6去了雅麗珊學校聽brefing，和小朋友玩了一陣，由姑娘口中聽到少少小朋友的背景，心好痛，若果我係佢地，我會點？我不足，有好多缺點，但我的神，我的家人、朋友仍愛我！

另外開心的事就係終於quit咗譚小朋友，我真係唔識教呀！我想信佢都會好開心的！

其餘的時間都係開會和練歌，我越來越鍾意開會，好享受開會的過程(若果我精神好的話)，希望以後都可以咁樣…