試前報告：
14/4

冇得同教會的弟兄姊妹去wild 退修營，有dd失望，等我重買好晒嘢添…不過有另外一啲的經歷，都唔錯呀！！

15/4

去了塔門退修「一日」，其實只係參與受苦節筵席，冇退修過…

16/4

返崇拜，然後返學校開會，同你慶祝生日，你開心嗎？之後去獻唱，好感動呀！

17/4

cell gathering，去燒嘢食，好玩呀！不過之後等唔到車…因為太多人，班班車都滿座！我地只要祝福，唔要咒詛！食唔到冰糖士多啤梨…

18/4

同部長、璇璇食嘢，然後返學揾你，唉…又嘥晒你啲時間…對唔住呀！做咗啲唔知係啱定錯的決定！

19/4

有啲唔平安，唉…真係咁行？祈禱時喊咗出嚟…神呀！你想我點？改了決定…

20/4

再一次見你，今次多咗一個人，十級唔開心！！我唔想的…我知我唔好，但係我真係有試過架，但都係唗咗你地的時間，點解我會咁？？但感謝神，堅立我…賜我信心&平安！

21/4

等一次在BU著suit (interview唔計的話)，俾好多人見到添…好難為情呀！

cc有十個好職員，真係好喇！你地要加油！

22/4

補習，比想像中好少少，只係冇了三個月的記憶罷了…之後去沙田，同姑媽慶祝生日…生日快樂！！

23/4

冇去掃墓，好彩阿媽都冇乜點！又返學校開會+同trista媽媽慶生…晚上同璇璇食晚飯，要璇璇陪我買嘢添…返屋企，一路整jelly一路功課，原來都幾難的！

24/4

有好多嘢都做得唔好！對唔住呀！

25/4

CB concert，平安夜…平安對於我嚟講又係啲乜？

26/4

畢業禮讚，下年唔知我會點呢？

27/4

好攰呀！有好多嘢做得唔好，真係要好好分配時間了！

28/4

8:30-11:00…係早上八半直落到十一點…救命！阿睿…我支持你呀！

29/4

到Daisy的媽媽的補習社做了一日補習，做得唔好…冇預到要教中四數學！唉…

30/4

辛苦你地了…我地都要加油呀！多謝阿魚同vincy的體諒，對唔住呀，份功課我冇乜供獻添…

三個星期的作戰(溫習周及考試)報告：

結果：全軍覆沒！！

原因：1.超懶，溫唔完的主因；　2.手痛，令平日寫字激慢的我更慢；　3. 病病，令考試瘟可以發得淋漓盡致 　(排名分先後)

究竟我依靠神有幾多？我係靠緊自己定還是係神？每朝的靈修成為我的習慣，但係我重未做到完全放手俾神，全然交託，好難呀！但我會學的！

多謝部長、璇璇、得意、amond(排名不分先後)陪我溫書，今期溫書時所發的考試瘟少咗！多謝阿媽的體諒，可以同阿媽講出自己的感受真係好(雖然將程度減輕了)，令你擔心，對唔住呀…當然重有細媽、細細媽、ada媽、joey，同其他弟兄姊妹&朋友仔(未能盡錄)

昨晚考完最後一科，十萬個差，多謝得意開緊cell都打電話嚟，多謝部長陪我喊咗一輪，多謝各朋友仔的關心，有你地真係好…而家都係有啲擔心，不過算啦，驚都冇用，神會加我力量的，「我靠着那加給我力量的，凡事都能作」！！(考試語錄)

今日諗住可以瞓多啲，點知都係五點幾醒咗，或者要過多排先可以瞓得返多啲，昨晚發夢，又夢見考試的嘢，救命呀！！