昨日參觀培正小學。

只能慨歎一句:「有錢人真係唔同D!!」

中學、小學、幼稚園互相連接，猶如大家族的四合院。游泳池、籃球場、空中花園、甚麼環保中心，應有盡有。

我們一行二十人，由不同班別組成，互不認識。現場認識的，只有一位同學。
老師說:「要分開四組，每組五人，一組觀中文課，一組數學課，兩組英文課。」不要說笑了，英文觀來做甚麼呢?
聰明的我立即招纜了三位門徒，然後與我的同學，組合而成。
老師一說要分組，厚顏無恥的我立即舉手:「我地睇中文。」
我知道有一些人也想觀中文，但因為還未組成五人，跟本沒有舉手的資格。
呵呵!機會是需要爭取的。

一入課室，立即看見一位樣子與方力申無疑的小朋友，我們當然急不及待的坐在他的附近。在他們分組時，我與同學輕聲問他:「有無人同你講你似方力申呀?」他當然無言以對吧!或者他連方力申是誰也不知道，小朋友要讀書呀!沒空看電視的。不可拍照是一大遺憾。

名校一條龍，真有其可取之處。

我同學觀課後，第一個感覺:「真係要泊返個好碼頭。」
「你指小朋友?」
「係我地!如果我地入去做幼稚園，仔女真係話咁快就可以走後門咁入去讀幼稚園，頭先D老師話幼稚園學生100%入培正小學，仔女要升上小學一定無問題，講真，近朱者赤姐!咁才有好教育。」
「咁培正既教學方法無疑係可取的。」
「所以我地一定要係生仔之前泊返個好碼頭，唔做培正都要做九龍塘。」
「你生得啦!邊個同我生呀???」
「…哈哈哈…唔好咁啦!...」

兒童的筆記，是課前與家長一起做的親子備課。要有好的教育，如果沒有家長的共同參與及努力，又怎會成功呢?

誰會不明白呢?但真正去實行的，又有多少人呢?