昨日不斷作噁，今天又不斷肚瀉，「看來都是腸胃炎」了。

一早起來，已知自己不可能上班。於是七點半打電話給拍擋，說今天請病假，繼而交代今天的上課內容:「星期五我教左眼睛外部結構，今日你幫我教內部結構呀!教完畫係本小冊子到就得架啦!可以睇高B班阿陳個本小冊子，佢做左內部結構架啦!唔該!」
接著打電話給校長請病假。

接著再訓，八時多，突然記起某事。拿起手機打電話給阿陳:「阿陳呀!個日我check到原來呢個星期要派個本英文故事書架!」
「好呀!我今日派呀!我會叫埋阿魏派架啦!係喎!我果日叫你做個D工作紙做晒未呀!」
「做晒啦!」
「咁今日你send俾我!因為其中一張明天要出街架啦!」
「好呀!我以家起身send呀!」
「咁不唔使，你放學send都得!」
「好呀!我十二點前send呀!」

昨日又沒有真正睡過，而要過十時才有醫生看，於是調校了十一時正的鬧鐘。

十一時正起牀，站也站不穩，臉都沒有力洗，於是草草梳下頭，準備去看醫生了!

十一時五十分回家，便立即打開電腦，將文件send給陳老師。
留言給她:「其中一張眼睛內部結構的工作紙，我唔知你教左d乜野部分，可能要再加一d上去架!你在問題再打給我啦!」

吃藥後再趕不及待上牀休息。下午二時多，手機響起。
「阿霍呀!上次嘉諾撒小學個d團體照係咪係你到呀?」阿陳。
「好似有!我要check下先至知喎!」
「好呀!家訊要相，你聽日帶返來呀!」
「好呀!」

病假一天，我覺得從來沒有離開過學校。只要你手機一日還在，工作亦隨之而不斷來。

誰也想有休息的時候，尤其是病到沒氣去說話。可惜我是二十四小時工作，年中無休。或者其他人會覺得我返半日，人工高。但我在家努力寫教案，努力做壁報，努力做兒童記錄的時候，又有誰能夠看到!

一位老師曾經問我:「你有無諗過做主任，做校長?」
「無!完全沒有!」
「咁你都係走啦!如果你唔想做呢d位，呢份工唔值得你繼續為佢捱生捱死!」

我只求一份準時放工，放工後不用在家繼續做野的工作。至於人工方面，我亦不見得現在很高人工。

幸好的是，現在我人工還未過萬，我還有決心去離開。