今日係Nico生日
知道佢搞party 我都一定會到
放工返屋企換件衫又再出去
去到已經見到以前CITA一班同學
NICO仲叫我今晚幫佢睇住個場
佢怕氣氛搞得唔夠好

後來愈來愈多朋友黎到
但係有一部份我都唔識
9點幾 阿恆真係打電話比我話而家黎
當初仲以為佢聽完就算
無諗過佢真係會黎

雖然nico有部份朋友我都唔識
但我都會走過去同佢地傾下計
鬼叫nico叫我招呼佢d朋友咩
我都覺得自己已經做得唔錯
今日nico話要搞校服party
但係真係著校服既人就只係得幾個
包括我都無著
因為校服一早就已經唔見左

十點幾 阿恆黎到
佢一黎到就已經坐我旁邊
不過我依然同我班ciat朋友玩緊
差不多去到12點
就係切蛋糕 切禮物既時候
唔知點解一定會有人送香艷內衣
大家都要攞住一齊影大合照
玩到一兩點
有好多人都要走 因為第二日仲要返工
雖然我都要返工 但係我都要留低
發覺阿恆好似幾關心我咁
會經常問我係咪凍
仲比件外套我著
同我玩"色"鐘 次次都一定輸比我
都唔知佢係咪刻意輸

好多人都問我 阿恆係咪我男朋友
我第一個反應"NO"
我只係覺得起碼有人會理下我
今晚玩到天光4點先走
Otto話同我一齊走
其實佢只係同我一齊落樓下
之後佢就自己坐的士
我等緊車既時候
阿恆突然打比我 問我0係邊 仲話落黎搵我
本來佢話同我一齊走 但留左件外套
又要返去攞 我就係街等佢
等左佢好耐都未落黎
原來佢係上面又未走得
之後我就無等佢 自己一個走左