(台語詩)
想　陳潔民 2004.1.7

想卜畫一寡仔啥物
又閣毋知卜畫啥物
人生就是安呢過
親像白紙
畫滿色彩了後
就變成壁角的一幅畫
無人會記得

想卜講一寡仔啥物
又閣毋知卜講啥物
人生就是安呢行
親像流水
一去不回頭
咱只不過是水底的落葉
無力閣被迫向前行

想卜唱一寡仔啥物
又閣毋知卜唱啥物
人生就是安呢生
親像白雲
總是佇天邊飄浪
無所在通停睏
苦嘆青天悠悠


---------------------------------------------
(華文)
想 鏡若2004.1.7

想畫些什麼
又不知畫些什麼
人生就是這樣過
像是白紙
塗滿顏色後
就變成牆角的一幅畫
沒人會再記得它

想說些什麼
又不知說些什麼
人生就是這樣走
像是流水
一逝不回首
我們只是水中的落葉
無力地被迫向前走

想唱些什麼
又不知唱些什麼
人生就是這樣子
像是白雲
總在天際飄遊
沒有何處可居留
空嘆晴空悠悠