晚上
在朗豪坊食魚米之家
弟弟來電

劈頭第一句：「你鍾意黑色定白色？」
「o下？…… (心知他一定是在選購禮物給我)……(開始有點臉紅和受寵若驚)……白色囉﹗我鍾意白色，不過怕污糟……(明明猜到他一定是買銀包給我，白色不耐用嘛……但他問我喜歡甚麼顏色嘛……)你話事啦﹗靚咪得囉﹗」

「咁即係深色定淺色呢？」
「o下？……深色係紫色咪鍾意囉﹗深色係灰色咪唔鍾意囉﹗」

「咁即係白色定黑色呀？」
「……(咁似麥兜常餐的故事)……襯我咪得囉﹗信你眼光啦﹗」

「咁型d定係女人d呀？」
「o下？……型囉﹗我鍾意型架﹗女人好咩？我女人咩？女人靚咪女人囉﹗」

「嘿﹗我都知問你都係o徒氣…」
「……(無奈)……」

從前想換個銀包
一直也看不中
索性胡扯叫他送給我
他曾答應
只是
一直也沒有消息。

偶然我問起
他便會說「明明本來就買，你又偏要問，你問我又唔買啦﹗」

氣結。
算。

然而
如果他真的送我銀包
我實在有點不好意思。


整夜也睡得不好
怕早上遲了起身上學遲到
每一小時便醒一次

其中一次
我明明聽到有人開了我的房門。

我朦朧張開眼
卻又沒有人喎……

早上
天還未亮
果然
在我的桌子上

有一個gucci的紙袋。


GUCCI﹗﹗﹗
我不是名牌愛好者
怎麼忽然虛榮起來？

沒想到
他送我一個黑色的GUCCI銀包。

GUCCI很型嗎？
我未買過GUCCI
連看都沒有看過。


捨不得用
放回包裝盒
好好收藏起來。



實在令我不知所措。

那個明明從小到大都跟我作對的弟弟……
我是待他太糟嗎？


8.2.2006
這幾天
真是親情泛濫的日子……