今日原本係諗住同屋企人一齊過香港架,我抱住一顆期待的心,以為星期五就可以過香港,但點知換來既又係失望……
點解會咁架,每次決定左既野,到最後都係做唔到既,好唔開心呀,有時會發覺自己真係一個好慘既人,想人關心,身邊又冇人,基基?佢都唔理我既,我覺得我係佢心目中就好似一個傭人,佢咩都要我幫佢做,算點呀,老婆係老婆,老婆唔係傭人呀,想佢陪我傾下計,佢就九唔搭八,一尾講笑,一d都唔認真,好唔鐘意呢個佢,我覺得同佢好似溝通唔到咁,佢係好顧及身邊既人既感受呀,包括佢既阿媽,佢既上司,但往往忽略左我,係咪最親既人就最易遺忘呢?
一次又一次既失望,呢種感覺,我已經領教過好多次啦,真係好難受,帶俾人希望既又係佢,令人失望既又係佢,你話我可以點做呀?
其實開呢個新聞台既目的,係想記下我所有唔開心既野,因為身邊冇人同我分享,所以自己惟有咁做,係咪好傻呢,因為自己唔鐘意將d唔開心既野收埋係個心到,所以呢,就打曬d唔開心既野出黎,咁我就舒服曬啦….HAHA~~~~