今日訓到點幾先起身.

起身見好好太陽就同阿B同阿細沖涼.

跟住我就整o野食.

跟住我就切雪梨煲水, 我切切o下覺得隻手指好痛, 我以為斷o左隻手指wor! 原來唔係, 係差D切到隻手指, 好彩只係切o左2隻指甲出o黎, 嚇死我囉! 不過我好心痛ar, D指甲我留o左好耐ga la... 算la, 無切o左隻手指出o黎已經好好ga la.

跟住就出門口la, 鄧嘉打俾我話一齊食o野, 好ar~

食完o野我地就搭地鐵出去.

去到尖沙咀已經8點la, 我地就啦啦聲搭的士去紅館.

入到場, 見到個個都情緒高脹wor~ haha~ 跟住就熄o左燈la, D螢光棒好靚ar~ 等o左一陣, Sammi就出場la~ 佢好靚ar~ 跟住有林一峰做嘉賓wor~ 佢唱歌好好聽wor~ 我仲聽到佢有震音tim ar! 勁ar! 之後個台有D故障, 有2個台升唔返上o黎, 我見到D dancers爬上o黎囉! haha~ 勁好笑ar~ 跟住Sammi就行樓梯上o黎, 唱完之後Sammi仲講笑話個台有2個"大姑窿"wor~ 跟住有杜麗莎做嘉賓, 佢唱歌的確係好勁, 不過... 我聽到佢居然走音wor! 但係佢個樣仲係唱得好陶醉wor! 算la~ 係人都會有錯o既~ 跟住杜麗莎同Sammi合唱<唯獨你是不可取替>o個時, 杜麗莎話"相信全場o既觀眾都希望'有人'唱下半截歌送俾你", 跟住佢又話"呢首歌應係男仔唱o既", Sammi就笑笑口話"你'潤'我咩!"o黎打完場, 杜麗莎咁講開頭我以為真係有安仔tim, 我一路好期待會有安仔做嘉賓, 因為好多雜誌都係咁講, 點知都係無wor... 但係跟住唔知點解我覺得好想喊, 唔知點講... 總之聽完我就好想喊, 點解Sammi同安仔攪成咁? 我覺得Sammi好慘... 話晒佢地都咁多年la... 再之後有HOCC ar~ 好正~ 呢個時候我勁想打俾豬豬俾佢聽HOCC ar! 佢鐘意HOCC ma! 不過我驚打去佢屋企係佢家姐聽電話wor, 紅館嘈到咁我無可能話叫佢叫豬豬聽電話, 因為佢一定唔會聽到我講咩, 但係打豬豬手提又貴wor, 所以最後我都係無打到. Sammi唱o個隻<心之全蝕>原本個歌名係咩呢? 我想download wor~ 幾好聽wor~ Sammi好勁ar~ 勁長氣ar佢! 好似唔使breathe咁! 勁ar! 之後Sammi去換衫, HOCC就同D觀眾打招呼, 跟住佢就話"咦? 原來有上海o既朋友wor~ 你地好, 我係何韻詩ar~ 仲有台灣o既朋友tim~ 你地好~ o下? 咩話? 仲有美國? haha~ 咁有無婆羅乃ar?", 跟住有人大叫"有大埔ar!", 跟住HOCC就話"o下? 大埔? 你地好~", haha~ 好好笑~ 跟住Sammi坐o左張Hello Kitty chair出o黎ar!(我放o左張相出o黎, 不過影得唔係好清楚) 好靚ar! 好斯文ar Sammi~ 再之後encore, Sammi著o左條粉紅色露背裙出o黎, 條裙好得意ar~ 佢仲不斷問D人佢條裙靚唔靚, haha~ 好可愛ar佢~ 跟住佢爆粗wor! 咁佢就叫D觀眾出o黎同佢唱歌wor, 個觀眾就問佢唱咩好, 佢居然話"不如唱薩拉熱窩的羅密尻與朱麗葉ar?", 跟住即刻全埸大笑! 但係Sammi就傻傻地咁話"聽日D報紙一定話我爆粗la~", haha~ 好好笑ar~ Sammi佢狂串人囉, 又話人肥又話人地唔去瘦身, 跟住仲將佢自己同個觀眾比較話減肥前減肥後, 笑死我~ 跟住唱唱o下個觀眾o係個袋度囉Do野出o黎, Sammi就好驚咁, 原來佢係囉部電話出o黎同Sammi影相, 跟住Sammi就話"嚇得我ar! 我以為你想打劫tim!", haha~ 總之同觀眾唱歌呢段超好笑ar~

跟住就同海豚搭車返屋企la, 沿途豬豬打o左電話俾我ar~ 傾到我入lift, 跟住我返到屋企佢再打俾我~ 傾o左好耐ar~ 我講o左今晚睇concert Do野俾佢聽~ 我話有HOCC, 佢即刻大叫, 跟住我話我想打俾佢俾佢聽, 不過就因為咁咁咁所以無打到, 佢有少少唔開心la, 不過我話我都無辦法, 我都唔想, 最後佢都無咩o野. 遲D豬豬返o黎唔知有邊個會開concert呢? 等我同豬豬去睇先~ 我都未試過同豬豬一齊睇過concert, 豬豬都話好~ 豬豬快D返o黎la~ 好掛住你ar~

跟住就沖涼訓覺loo~