黑仔事件簿六之first day of school


一月七日﹐晴﹐今日除了是另一個痛苦的開始﹐
更是超級悲慘﹐黑仔的日子。
昨晚三點鐘也可以入眠﹐大概是身體改不了假日的時差。
因睡得不好﹐晨早六點半就醒過來﹐
想再進入夢鄉﹐卻又難以入眠。
醒來到各大留言板查看一番就要準備上學去。
回到學校﹐呆等十五分鐘﹐
一邊擔心自己有沒有去錯地方﹐
但見其他人也一直乖乖的在等著﹐
我也只好繼續等下去。
最後由另一位prof過來宣佈﹐我們的prof病了﹐
搞到我咁早起身個 prof 竟然無返。

幸好第二堂一切如常。

不過最慘都係第三堂﹐因為我個advisor話我聽佢要take eng﹐
而且時間吻合﹐咁我諗住drop一科art﹐add返科eng。
一去到 eng o個班房佢已經話我知無位。
在同一時間有另外一班eng響另一邊o既campus﹐
不過我去到o既時候佢地仲上緊堂﹐
我又唔好意思撞入去問佢地有無位﹐
未等佢地落堂囉﹐點知落堂之後都係無位。

發現無位之後﹐我發覺跟住o既時間都仲有一班eng。
我返番去本來o個邊o既campus去埋問另外一班eng有無位。
點知都係無位﹐激死我。。。我白白呆等o左三個鐘。
不過都仲要等多兩個鐘先到我最後一堂﹐
所以就響o個段時間訓一陣﹐
不過都係訓得唔好。

其實最後呢一堂電腦度話有16個waitlist(雖然我係第三個)﹐
不過我都打定輸數。但又唔想放棄﹐咪一直等﹐
我又累﹐又想訓咁去到教室。我諗住同佢講一句就可以走人﹐
點知佢話有位俾我﹐真係峰迴路轉﹐哈哈哈哈~~~~~
結果我被迫上多兩個鐘頭先走得。

今日個故事發展到最後係最過癮﹐最峰迴路轉o既係。。。
我上緊堂o個時睇 timetable 諗住搵科填返 eng 個位。
因為無哂位﹐而我老師話我知o個科art其實係有好多reading。
叫我有心理準備﹐同埋我個art老師都贊成我讀o左eng先。
佢仲話因為我 D 英文差﹐所以拉低o左我個final個分。

跟住俾我發現教graphic design呢個老師﹐又教 3 D design﹐
而且仲要係之前o個段時間﹐咁我未落堂去問佢有無位囉。
佢又話有(似乎佢o既堂都幾唔受歡迎﹐次次問親都話有位o既)﹐
即係命中註定我禮拜二都係上四堂(要留響學校十二個鐘)。

返到屋企﹐我決定乜都唔理﹐上床就訓。
果然。。。結果都係傾o左陣ICQ先上床訓。