話咁快又到o左星期六喇, 不過今朝冇得打波, 因為之前牙醫果度book 唔到時間, 所以就要今日一早去整牙喇。

去到唔係好耐就有得整喇, 經過o左成個月, 又要呢度去果度去, 而家終於有得整番隻牙喇。
入到去, 醫生就幫我整走番個牙套, 點知原來係超實o家, 早知我就唔駛就住唔用佢啦!! 好不容易整走o左喇, 咁醫生就幫我整隻"真" 野上去啦, 點知佢又話有機會唔o岩位, 咁又要由頭做過喇, wa, 唔係掛, 又由頭整過?! 真係死得人多喇!!

求神拜佛, 一定要o岩位呀!! 好彩, 最尾都整好o左, 不過就因為我下面d 牙頂住, 所以都車o左好耐先攪掂。
yeah!! 呢隻"真"野我都好滿意, 真係好鬼似隔離果隻門牙o家!! 之後就book 埋洗牙, 咁就走人lu!!

呵呵, 真係唔經唔覺攪o左成個月喇, 而家整番好真係勁開心, 雖然今次o既代價係貴o左d, 成$38??, 真係好鬼肉痛o家!! 第日真係小心d 喇, 廢事又......大吉利是 ^^"

13/9/2003 風四字