2003年九月一日十點大清晨起身諗住去厠所，點知一開個屎坑蓋發現一舊黑色野，諗住一野沖走佢就算，點知舊野識郁的。
說時遲那時快，正當我用了一點氣力去按下沖水制少少的水流令舊野郁得更勁
回過神來一看，原來是一隻烏龜
仲要好大隻下.....
我當堂發呆，我問自己發生咩野事呀，以為未訓醒，即刻走出去，隻貓眼定定望住我，我又眼定定望住隻貓。
跟住再走返入去睇...
我眼定定望住隻烏龜，隻烏龜又定定望住我。
大家都好無耐......
唔知點算....
我想我家姐八九點仲走人，那時候應該仲未見到，我十點起身就見到，唔係咁好彩呀。
搞到我連厠所都唔敢去。過了一會我想出法子，用鞋盒把牠弄了出來。
把牠弄出來的時候，我又辛苦時佢又辛苦，一早我牙都未刷頭又未梳，就把牠送走了。