夜晚先搞鬼笑...我諗大約十二點鬆D左右啦

在矇蘢間我聽到門鐘不停地響....

點解我家姐同媽咪聽唔到...得我聽到

因為平時我係訓得最熟果個好難被吵醒

我心諗半夜三更邊鬼個呀...未及思考我已經開左門啦

一開見到兩位警察...依稀記得佢第一句問”有人投訴有嘈音喎發出吱吱聲喎”

我用半夢半醒的答”哦”

佢再問有無開冷氣或其他野發出吱吱聲呀

呢次答都唔想答”拎兩下頭就算”

再問有無屋企人開左D咩野發出嘈音

我答”無呀...訓緊覺喎”

我心諗...我都俾人嘈醒咁我可以向邊個投訴喎

跟住問我拎張身份証講個電話就完結左整件事

係佢問我拎身份証時..我下意識望一望佢個NUMBER

好似係05316定咩鬼啦....老土...點解

再次熄返燈返上床....屋企都無人有反應...

兮...我又聽到佢地聽唔到架野啦

結果到左成點幾先訓返著

不斷係度諗唔係應該管理署上黎先架咩

點解一黎就會黎警察...

再諗有嘈音又關我咩事喎

做咩我要聽到門鐘呀...

如果一開門見唔到有人會點呢

諗一堆無無謂謂無無聊聊架野

.......