philip好鬼早..四點鐘佢就起身拉筋熱身

我就比較懶...成五點先起身...hahaha

成個新年肥仔左好多又無練習

唯有用返果招”監粗黎呢”

致死方休...無法

六點鐘一出大門..還好..天氣不是很冷

比想像中好...雖然係咁但我仍然著左一件長袖衫跑

因為我好鬼怕凍....

行左十分鐘去大車度卸下行李”ymca側”...

跟住行返去起跑點”美麗華酒店側”

其間有個姐姐仔拎住d飲品做display

我諗住拎返灌唔開住跑完飲

點知佢好好服務一二三開左去

接左...um...有d無奈

飲左一啖”紅牛”

我就唔飲啦...因為好似藥水味

捉蟲仔添

跟住拎住灌野返酒店放入雪櫃

佢地話拎灌野飲時...佢地會講一大段野

但係我咩都聽唔到...hahaah

返去放低灌野6:15左右

係lobby卓偉又到啦

我即刻扣起號碼布

佢就去大車度放野

gary梁仍然唔見、卓偉個fd仍然唔見

佢去左放野...我就同philip前等開跑...

好多人好多人好多人...兩個字”擠迫”

五四三二一起步啦..所有人都一齊向前跑

恍惚看不見龍尾..向後退已經沒可能

現在只有一條路可行就是向前...

跑呀跑呀跑...覺得好多人塞住左

最頂隱係見到隔離跑全碼d人..見到有d人拎住枝旗跑

有d人就著住日本武士裝跑

要幾騎呢有幾騎呢

最cheap就係係西隧....有條友係前面阻住晒

係度擺post博影相...

第一次唔怪你...到第二次第三次都係咁

真係想煎佢兩巴..心諗正cheap ching...

最搞鬼係我見到前面有個人p左係地

但佢即刻起翻身...繼續跑...扮無事

動作連貫..干淨利落...如果唔係親眼見都唔信..kakakak

最多人pk..我諗係諗到終點前果個階級

忽然間高左一級...佢地話都差d pk

但係我無留意到亦都睇唔到....

最老土係差d p大k

跑跑下前面隻粉果忽然停底...拉開d膠帶

諗住出面跑無咁多人

嘩我一路係去緊...雖然唔係話快但係都有一定速度架

你一停...我即刻”侄”左一侄...

差d p大k..後面果d又衝緊黎...真老土

最辛苦我覺得係跑西隧時

因為覺得入面好局..好想快d出黎

所以我加速

一出到去就有一種妨如隔世架感覺

到達終點...佢地都未見人...又係我最快

hahahahah....跟住就等佢地啦...好彩唔凍...

因為我d野放晒係佢地度...要佢地先得返...

第一個見到架係胡仔

第二個見到架係philip...

原來佢”爆左頭”紅晒..嘩哈哈....

拎左野就係出面等佢地啦...

坐埋一邊等...雙腳感覺已經唔係屬於自己架啦

跟住卓偉同胡仔又出黎啦...仲有一個gary梁

我地係度講笑話佢條itb會唔會又出事呀...又吉下吉下返黎呀..hahah

一會兒佢都出黎啦...無穿無爛...

今次佢終於可以正常完成賽事啦..hahah

跟住執好野...大家又分道揚標

philip、我、卓偉、胡仔都返去酒店度洗個大澡

gary梁就話去局桑拿喎...

我又行路吉下吉下啦...不過預左...唔駛驚...heheheh

然後大家就去飲個大茶..都差唔多十二點半啦

個個都話好好眼訓...但我並不覺得同眼訓

只係覺得對腳好軟...舉步為艱..吉下吉下咁行

反而覺得好精神

唔知點解每次跑完十五公里以上都會咁..有異於常人

飲完大茶...大家又分度揚標

胡仔返歸...philip去旺角度睇下野買下野

返正我唔最多舉步為艱鎹...所以一齊去囉

卓偉就去何文田拎車返旺角...咁就坐的的去到何文田

又搭單坐多一程...good呀

坐車時於開始覺得有點眼訓..唔知係唔係氣攻心

hahahaha...雖然遲d原來我都係一個正常人

不過比較遲頓左少少鎹

諗住果間東京體育用品公司睇下d鞋同用張一百蚊coupon

點知搵極都搵唔到...老土

兜黎兜去兜到有d餓同腳軟(不樹都係咁)

呢個時候緊係要去d坐得舒服又有位架地方去

就搵一間野坐底食

最後去左我哥哥果度食

...叫左個pizza同一個咩咩粉

當臨走的時候見到哥哥出現

打個大招呼..飲左杯大奶昔

...埋單幾多個大洋

唔好提啦...

最後又兜左陣旺角...

佢就去中環坐大船回家啦...

我就上去火車站坐大巴返歸

返到屋企都成七點幾啦

明日仲要跑五千...會唔會瓜柴呢...

睇黎都係又要用返果招啦...hahaha

真係膚淺..紀念品都用老鼠...

點解係要用佢...佢係我架天敵...兮

食之無味...棄之可惜

返到屋企覺得個”室頭”好唔妥

即刻帶個護腕先...又做跛豪...悲