我又俾我媽咪呃左，原來$188係即日來回船票，要買泥四千蚊個隻先係可以今日去明日返或者更長時間，阿媽呃仔，可以點，不過習慣就好。但係一個唔覺意我就欺騙埋莊鈴鈴。嘩哈哈......算你倒楣。
結果十一點九左右去到珠海拱北果邊。跟住就去左間日本食店食午飯。再落黎就去左腳底按摩。很不容易才找到按摩店舖。進去後，當按摩師傅未到前，有另一位位師傅走過來問要不要修腳皮，我覺得無所謂啦，就試下啦。就咁就修埋腳皮啦。正當修腳皮之際，幫我腳底按摩的師傅又到了。隻左腳就修腳皮、隻右腳就按摩。一時之間我對腳好忙，我唔知道點配合。可能因為我時常跑步的關係，我的腳有很厚的繭。個師傅幫我修得好辛苦。修左成斤幾兩斤的厚皮出來，我想他會不會很後悔兜我這一單生意。嘩哈哈一邊修腳底按摩，一邊批修腳皮。兩位師傅一起服侍我的腳。我都係第一次整腳按摩咋！按腳時，我以為自己會痛到叫生叫死。結果，無。我不怕他用力按，只怕那種癢癢的感覺。跟住佢同我的膊頭鍊幾野，我就坐到直一直，情景好笑。不知道為什麼我很不習慣給人家這樣的鍊。感覺怪怪的。佢一路幫我鍊膊頭我條腰就一路伸直，竟然俾人見到我d老土野添。按完之後唔知點解我覺得好鬼眼訓，就係半睡半醒的狀態下過由拱北過關，進入我們澳門之旅的聚幕。
跟住去左皇冠，我當然是輸左啦！點解。不要問，只要信。性格就是這樣的。
以為皇冠會有電話打，結果無。跟住點樣，用最原始方法，約左冬爸爸係碼頭等。當然坐車車去返碼頭。去到碼頭後，因為沒有零錢打電話。所以用左個十蚊買罐可樂(coke light可以扮下天涯孤客...haHAHAHA)跟手找返三蚊。咁就有零錢打電話搵冬爸爸...HAHAHAHAH。熙熙原來己經早我地少少到，己經上左冬爸爸架車車。跟住冬爸爸就開車戴左我地去大利食豬扒包。阿泉亦從家中出來大利。好開心......三和一街寶竇就係大利再次眾首一堂。好耐都未試過啦....HAHAHAHA。
食完之後，跟住冬爸爸又戴左我地去皇冠賭場睇下。去到又有發生低B野。因為天氣炎熱，熙熙著住左一件雞翼袖波衫，手上還拿著一件衫。進去後一行五人都相安無事，忽然有位食蕉哥哥走埋黎同熙熙講，
”先生請你著返件衫”(熙熙哏住就好型咁著返件衫)
跟著食蕉哥哥對熙熙講”都係唔得喎你件衫無袖”
原來都係雞翼袖....嘩哈哈....爆笑....
跟住佢就返去爸爸架車車度拎衫唔單止著左件白恤衫,仲拎多件外套.見到佢都熱.笑爆.好搞笑......熙熙話食蕉哥哥有心玩野...係唔係我就唔知，不過好好笑。
跟住我地又坐冬爸爸架車車去左另外一樹...邊樹呢好似叫長益喎...做咩野...咪又係食過囉...我地去結果一間類似大檔架野食飯，但當然是有冷氣的，因為冬爸爸怕熱呀嘛！約了麗屏及娟媽媽出來，結果只得麗屏出來。叫了一個沙保通菜炸魷魚芝士蝦豬扒...之類，都幾好食不過有d喊。
夜晚八點,跟麗屏去左k，第一次係澳門唱k咋。間房感覺都香港差唔多，但係有一個好嚴重架問題，d mv好似係大陸版架，忽然間你會見到d mv歌詞同個bit完全唔夾，一係歌詞簡體字一係就出錯歌詞。嘩哈哈.......
跟住麗屏唔知做咩鬼同熙熙有一斷曖昧對話！
麗屏叫熙熙：你GUE起個蘿佑先啦
熙熙答麗屏：點解呀！
麗屏回熙熙：你唔好理！你GUE左先啦！
聽到D咁架對白，全部人呆晒！唔知係唔係澳門生活好大壓力，D人完全變晒，好爆笑。
十一點左右，我地又撤退，返回冬爸爸屋企，佢己經訓死左，因為他明天還要返早。
點知返到去又出事，高生無帶褲，結果無褲著，而我條短褲就唔知點解穿左個洞。一個窮到無褲著一個窮到褲穿洞。嘩哈哈...好抵B。
跟住打左一陣NDSL，(愛上玩孖寶兄弟，玩到入左迷著左火)同埋一陣PLAYING CARDS，大家就訓啦！
第一日旅程就係褲穿洞下完結。

冬爸爸渣車車載我地週圍去呀！

係皇冠等熙熙其間，我地無聊得滯，就影左呢張相。

阿熙熙跟住就係穿了這兩件衫跟我們會合，見到佢都熱。人都癲。

第一次去澳門唱k......呢度係k房。

唔知點解熙熙今日忽然好hyperactivity...今日所有人都唔夠佢黎唔夠佢抖，輸左。

就係呢度門搞左我地成三四個字，入都入唔到去。

冬爸爸借我地宿的地方.....