火燒連環船....究竟會發生什麼事.........
今日唔係好想返，因為我知道自己會有好多野做亦都會好頭癢。
但係，我始終都係返左。
工作呢樣野....
避得一時避唔到一世，反正都係，倒不如痛痛快快的。
活得開心，死得精彩。
媽咪不在家的日子，無飯開，要照顧埋兩隻貓，仲要俾兩隻貓蛤，陰公。
好彩今日返學坐到豬車。真係膽搏膽。途中又遇見奇境，係地鐵站電扶梯度見到個伯伯將個手抽袋放平，然後用腳將之踩呀踩，再拎返起佢。唔知想點，亦唔知佢做咩。奇怪.......
唔知六月份我選唔選到科呢？如果選到，我諗我下一個term可以輕鬆好多。想副修修個數學添。雖然我眼又蒙耳又聾口鼻又無用個腦又生蟲，但係都好想讀下喎。
如果我呢個計劃成功，我就可以實行另一個計劃，另外一個計劃成功又可以實行另外一個計劃。
計劃緊緊相連....um...最主要都係選到科先...但好似諗得太遠添...
果然，早上一輪衝鋒陷陣後，sore throat。
下午，唸住食麥當當結果事以願違，無食到。悲.....
結果，食左包燕麥片就算...真係練仙架啦。
baby class身水身汗。忽然覺得點解我要受你氣。d人而家真係無人性架。正cheap精。