今早我同家姐去左屯門間龍華酒樓度飲茶，傳說呢間野裝修裝左千五萬。
所以決定一試。
結果去的時候有兩次幾搞笑的對白。一出門口時她說：
姐：做咩唔用係日本買返黎個(porter)袋呀！
我：帶黎做咩呀，我都無野戴。
嘩哈哈。有夠好笑。
第二句對白，係酒樓度等緊d點心黎，等左好耐都未到。
姐：等左好鬼耐都未到呀！
我：咁你急d咩野呀，好趕時間咩。
哈哈....好明顯我係一枝頂心彬。
對於內部的食物，確實不錯。埋單六十大元。
不過我最喜愛的還是到處拍照，話晒都千五萬裝修，唔係唔影下呀。
搞到好似d自由行咁，有夠好笑。
最後在外面拍一張照，勁有大陸feel。
今日癲左，早午晚都去跑步，連屋企人都話我你係唔係傻架，駛唔駛咁跑法。
心情唔多靚，也許跑步是最好的舒解。
以前曾經睇過一書，話跑步時腦內會生產一種腦內啡，跟孖啡的元素是差不多的，或許因此這樣我喜歡上跑步。