由朝踩屎踩到晚，陰公。
諗住今日寶寶班開唔成，落去篤完串魚旦，就知道返左。返左都要做架啦，唔係點呀。唯有頂著頭皮去。唔知點解我好唔鍾意見到佢架眼神，覺得好似好空洞，唔知佢諗咩咁。
一見到佢到鞋就有定心理準備，要開片啦。
第一句問佢點解唔著對黑鞋返黎。就己經起晒鋼。
跟住開始就發老皮。但係呢樣野我一早預左佢唔駛驚。
佢就越講越大聲，我就越講越氣若柔絲。嘩哈哈。跟住連老細都出埋黎同佢講，態度依然；跟住連大佬細都出埋黎，情況並沒有好轉。一時之間，三個人就咁唔知做咩俾人鬧左。當時都唔知做咩野好，企係度又唔係走又唔係出聲又唔輪到我呢d小potato。我就做左一個決定就係去office拎個電話打電話通知佢家長。
有人話在他們的眼中，其實大老細、老細、跟我這種小職員都是一樣，都是一個煩人的凡人。或者都係，但係時候並不能退，只有硬著頭皮向前。
走之前收到一個惡號，就係要係復活節當值做鑑考員，又要扮紙板公仔。雪特。
人真的能做到心口如一嗎？
一些很想做的事，卻不敢做？
一些不願做的事，卻要遁從？
有時候人真是很復雜，連自己也不清楚自己想點？
找到方向並不代表能到達。
正如好心不一定會有好報。
連自己也迷糊了。