好o野~~我終於勁過喇!!!

面對星期二既實習,之前兩晚只可以用不眠不休o黎形容,臨急抱佛腳成日都會,不過最辛苦真係今次...終於等到實習,阿grat睇上晝,我就因為睇下畫搞到我個人籮籮孿,不過班仔好聽話,上堂反應好兼好有禮貌,miss好滿意,哈哈!!終於捱完就可以去玩,yeah~~

不過最最最最最開心就係我考琴出o左分紙,肯德基伯伯俾o左我pass呀~好彩scale、sight reading同aural都高分拉高個curve咋!!!哈哈~不過仲開心就係鋒仔又接我放工,而且終於都等到秋涼,可以著新衫,哈!佢第一次讚我著得靚咋~所以心情勁爽,呵呵~

今次佢同我去元朗既泰屋慶祝,間餐廳真係好有布吉渡假feel呢~(http://www.yl.hk/thai/)雖然路痴既我點o左一輪先去到,不過環境咁靚真係好舒服,而且價錢ok又大碟,o岩哂我地,哈!

走o既時候就好辛苦喇,因為元朗d路又窄、d人駕車又癲,搞到鋒仔人都癲,而我又o係側邊無咩貢獻...終於食到芒果黑珍珠,好正~~

呢排佢陪得我好密,真係好開心,不過又驚佢悶,因為我份人來來去去都係行街、打機、食o野同訓覺,無咩新意呢...我應該學返d雜技娛賓先得...星期日佢o係我屋企樓下跑Nike10公里馬拉松,唔係"乙水"佢開心,而係我真係覺得好勁,我都唔知跑唔跑到1公里呀...加油!!!努力!!!我同周公一定會支持你o架!!!

仲有一個開心既消息,就係佢屋企既ps2可以玩到我隻FF7呀~~好想日煲夜煲呀!!!

呢個星期節目多多,星期四唱k、星期六就bbq,勁!

夜晚放學睇今期東方新地介紹蘇梅島既sila evason resort,好想去住呀!!!

就快聖誕+生日,好期待~~~我又要勁過!!!