即興長洲行

上個星期六阿隻話一齊去金沙搞張會員卡攞免費船飛喎~
星期六响屋企都無乜作為~又免費喎~
本著唔好執輸ge精神~跟埋去搞番張先~
本應佢地約好响金沙度等
無奈我呢個P牌仔….唔識路去金沙….
老德從阿隻手中接過電話,問我”咁你識去邊啊?”
我依然系答佢”中華廣塲”…(我番工果度=..=)
“你”掉”左個車牌佢啦!!!!!”佢好勞氣~我好好笑~哈哈哈~~咁人地真系唔識路嘛~

隻、老德、張子、juno、阿隻同張子個朋友仔同埋我~六個人
好順利咁搞好張閃令令ge金沙卡~
然后好即興咁去埋文化中心度睇埋最后兩日展出ge”大愛無疆”四川地震圖片展
一踏入展塲 氣氛就變得好沉重
一幕幕 驚心動魄
人 多麼渺小
生命 多麼脆弱
人心 多麼可耻又可愛

回到家 跟兩老去喝了個下午茶
本來是想要出去跑跑步
結果約到了鎵惠去水塘影相
散散步、吹吹風、聊聊天…
我話比佢知金沙卡可以攞船飛~結果我又陪佢去多次金沙
然后傾傾下忽然又好即興咁話不如明天過HK
打個電話比去完無耐ge鱼旦同阿兰問點攞飛之后
兩個人都好興奮咁周街遊盪唔番屋企
打埋比阿隻約好12點响金沙等一齊去攞明天一早ge船飛
我同鎵惠就商議星期日長洲一日遊

天下無免費的午餐
但系有免費的船飛
不過凡事都要付出代價ge~
我同鎵惠比約好ge時間早左十几分鐘到就諗住走入先排住队先~
點知經已勁多人!!”拿拿林”打比阿隻叫佢地快d黎~
呢張免費ge來回船飛 ，我地足足排左兩粒鍾~
我同鎵惠都不約而同咁話~阿兰好有先見之名啊~

十點半船去~夜晚九點船番
我地呢趟長洲行都尚算順利
雖然兩個路痴 負負系唔會得正
但系路在口中~盲摸摸咁都搭船去到我地個目的地---長洲

無錯~我地又系搭船
即系呢個行程我地搭左4程船
MC=>HK HK=>長洲 回程 長洲=>HK HK=>MC
浄系搭船 約需時4個鐘
我地ge一日遊 計落都系得番半日

而且 呢一日不停咁落雨
去到長洲 我地避雨避左好几個鐘…
可能暑假到 周圍都系人
我地撐著傘冒雨隨便逛逛
買左兩瓶蝦醬~
食完晚飯就趕船去趕船~
連海邊都無去到~
即興到HKD都無多換、相机都無拎

長洲好唔好玩?
嗯~我諗應該好玩~
值得再去~不過要揀個好天氣ge日子先~
我都几鐘意呢度~好有渡假feel 时


其實想想 我地好似好傻呢~
不過咁即興咁做一樣野都几好
去一個沒有去過的地方 走走 逛逛
坐言起行~
一股衝動 一股傻勁 哈哈