今日我第一次揸車出街...
挂住新鮮熱辣、昨天才到手的P牌响哥哥部老爺車個patpat度~
跟住老豆車尾行番工路線~
好得人驚啊~~系咁比人”bi”....嗚~
安全番到黎之后~老豆同我講左句...”其實直路可以開快d架~”
鳴~咁人地未開過30以上架0麻....

我竟然考到個電單車牌...
簡真系一個奇蹟啊!
踩單車從來唔識轉彎ge我...竟然考到~
竟然响斜路打到8字....唔怕失平衡雙腳落地...
昨天2008年6月13日系我考車ge大日子~
真系好風水...又大風又大雨...
練緊ge時候有好几塲大雨...又大風喎..簡直無地方”喱”~
我足足加左11個鐘~total 36個鐘~
學車考車好辛苦啊~日曬雨淋咁...
呢段時間入邊我完全系响我僅有ge時間入邊晢出呢36個鐘...
原本想要停一下上ge課...
但系發覺...lcc唔停得...因為停左真系會跟唔上....日文唔停得...因為一停我就拎唔番起...唯有用我僅有ge年假...斷斷續續咁响最后一個星期放了四個早上兩個下午的年假補鐘.......考果日老豆仲特登攞左一日假陪我...

好彩考到咋~一額汗啊!
P牌好多人都唔會挂~
但系我一定會挂~
因為好辛苦先攞到架!!!
同埋話比人聽~新手上路~多多指教~行人勿近~:)