雖然只系1個鐘唔洗的時間就可以到ge香港
我都只系去過2次咁大把~講都無人信~哈~
記得仲系好細個果陣跟屋企人過香港
果陣哥哥仲系肥仔一個
我仲系"豆釘"...
所以對香港的形象就系...好大好多人...同好快~

2007年10月28日我又重踏香港呢片土地
全因cilia佢地話要去海洋公園個"哈佬喂"~
雖然只系去左一日
但系都好累好累
行得好累~玩得好累~仲被"鬼"嚇得好累...

一落船，香港比我ge感覺依然系大
因為一眼望過去見到路上的交通灯真系比澳門的"大"...
原來唔系因為我以前細個先咁覺得...哈
我地接近中午過到去~
就開始行街shopping
見到人買我又買...戰利品系兩件長袖t+無印一袋零食
我地去完金鍾轉戰旺角
人真系多到爆~拍得上廣州...汗
d人ge步伐依然系印象中快~
可能大個左~呢種速度我己經可以接受到啦~
不過有d唔慣連扶手電梯都快咁多...汗

四點几鍾我地出發去海洋公園~
我地去ge系夜塲~
可能愈近萬聖節愈多人
排完第一個鬼屋已經天黑啦~
越夜越有氣氛...d"鬼"出哂黎嚇人
成個海洋公園大概只有厠所同机動遊戲ge地方正常d...
當你發緊"牛豆"果陣...行行下無留意果陣會失惊無神"哇~嗚!!"咁响你后邊or旁嚇你...唔出聲等你轉個頭埋黎、定系你見到佢都會走過黎"哄"佢块好猙獰的面過黎...
人好多~我地普通門票成晚都系排左三間鬼屋...
不過本人經已覺得夠啦~
事實上我去完第一個已經想縮生~心諗去行街算啦~
原來我的的確確系一個胆小鬼
成程都系小玉同lisa响我地前面...我仲捉到cilia實一實...
嗚~咁人地真系惊啊0麻~
雖然我明知系假ge...
不得不佩服d化妝技術~真系一流啊~
中式西式吸血鬼道士鍾馗貞子乜鬼都有...
成個公園無論你行到去邊都有好阴森ge feel...都會聽佢d好恐怖ge音樂
真系月光光~心慌慌~~

今年哈佬喂好好玩~
不過我都系覺得嚇人好玩過比人嚇...
哥哥話我...仲要排队比錢去比人嚇...傻架~
...嗯~d工作人員應該會又好玩下~
不過另一方面都几慘下...好容易比人打~

得閒出去走走也不錯~