2007年9月3日
一個好似開學的日子
但系呢一日唔系我的開學日
而系我第一份工的第一個工作日!

好多人都好關心我第一日返工究竟點啊?
手机msg、msn一上線都系問我同一個問題
其實都唔知點答好~

第一日
戰戰兢兢...接觸陌生人、陌生環境、陌生的工作...
學用系統、學程序、學發票校驗+過帳

第二日
聞說高層由香港過左黎..."醒醒定定"...
學filing...順號碼...剪剪貼貼...做勞作...
成柜野~搞左成日.....

第三日
影相整員工証、申請呢樣果樣id...學用呢樣果樣software
高層仲走過黎打招呼....我淨系識傻笑講聲"你好"
............呃~好老土的台詞...

第四日
都系filing....順號碼...對數....
高層返左hk~無乜野做....等收工

第五日
學新野~有d複雜又煩的程序...
明d又唔明d咁...下星期就要我負責...嘿~
不過d同事都几好~成日話"唔明隨時可以問我"
又成日唔該前唔該后....



朝九晚六的生活
真系會强烈覺得時間唔夠用
九點開工要八點出門口所以事實上要每朝七點起身
六點準時收工返到屋企都七點....
(我試過行路又試過迫巴士...所用的時間一樣~汗...)
食埋飯抖下話咁快又十點几十一點....
上陣網睇陣電視...沖個涼十二點訓覺....
第二朝又話返工....

d時間越黎越唔見洗
尤其星期四晚要上日文....
上完課返到屋企都經已十點几....
食埋飯...十一點
沖個靚涼~十二點....訓覺~

同之前的生活反差好大
月中又話要開中小企財務會計果個課程...
咁我一個星期入邊~又無埋個星期六....
仲要準備十月頭考交通
日文課仲要話下星期開始每個星期都要小測生字....
小鍘??我多久沒有小測過了?這玩意....嘿~
我要諗下辦法，擠出d時間背生字先得....
鬼叫我"洗濕左個頭"....

衣著篇
第一日=>正裝、CONS、落埋粉(OL LOOK)
但系我見有人著牛仔衭...一問之下~太好了~平時可以~但明天后天不可以
第二日=>正裝、CONS、落埋粉(OL LOOK)
高層A坐陣...無人唔著正裝...除左昨日無返工收唔到風的那位同事左牛仔衭
第三日=>正裝、CONS、落埋粉(OL LOOK)
高層A今日先走...個個都好OL
第四日=>牛仔衭、T、外套、素頻、眼鏡
打回原形
第五日=>牛仔衭、T、外套、素頻、眼鏡
真好~自在多了...哈哈哈

份工做左一個星期(五日)
感覺都尚好
同事都OK
會計得三個人(計埋我)
中午我地會一齊去食飯~
一個講國語的、一個是澳門人(英文加廣東話)
話說我公司系國內的公司
澳門呢邊個阿HEAD都系講國語
但系香港過黎的高層香港人，英文又得、國語又標準...
個系統中英都得...但系D發票單据都系英文....
原來公司有响香港上市...
今日八卦clik入yahoo見到股價3.7
3.7即系點?........扯遠了
公司好唔好真系唔知~我先返左五日咁大把~
不過呢度好就好在
周休六日
平時準時收工
哈哈~
今日聽同事講~
靈均原來就系我公司同一層開左一間
報lcc的話，一放工就過隔離上埋課先返屋企咁都几好~
不過等我考埋個日文先

老哥說我無大志
可是我覺得這裡也不錯啊
雖煞人工唔高
騰在時間好~又方便上lcc喎~
我覺得可以做到我學識點做盤帳先走~
咁大概一至两年吧~
可是才上班几日
老豆同媽咪又話政府邊度邊度請人
日哦夜哦叫我入紙....
唉~又要筆考又要面試~浄系交表都有排搞~
而且都系d唔同範疇的野...要應考做的準備好多...
等間聽到邊個邊個講話邊個個女入左銀行一個月成"皮"野...
又走返黎同我講.....
難道才上班几天，就想我辭職?
你地想我點啊?
好不容易走到這裡
你地知唔知
你地几句話可以令我專心唔到去考試架....
到時一齊"炒"
就乜都唔洗諗啦~唉~