現在系4月2日早上10:30
刚刚上完八點鐘的堂
突如其來的暴風雨
搞到我成堂都心神不寧
上課沒多久，整個天都變黑了~
分散哂成班人ge注意力，連miss都要停低關窗....
唉~難得我咁早起身黎上下課...

新會計準則呢堂課好有啓發性
不過想到自己學左快四年ge野就快過時，真是有點無奈...
現在八堂課又可以追番几多呢?嘿~
其實，在內地讀書返澳門做野又同樣係咁
尤其系我地所謂的專業
基本上澳門所用的會計準則，我是一點都不知道
响国內所學的响澳門用唔用得著都系一個問題
所以要適應唔同地區的社會同不斷變更的制度
就要不斷咁更新所學的知識...
難怪老師成日講:”學海無涯...”
果然系會睇唔到岸....

今日咁ge台風天
最0岩留响宿舍繼續磨我篇論文~(其實呢排日日都系咁過...)
發覺真系要自己一個人落手落腳寫一篇正正式式的論文真系唔簡單
睇文献睇到眼都花~
資料少你又愁~資料多又難整理...
一落筆就發覺平時用開的詞都用唔著~
又或者會搵唔到適當的字眼黎表達你想表達的意思....
呢個境界就系傳說中的”詞窮”、”書到用時方恨少”啦...
寫到成篇文好公式化....
學校明文規定唔可以抄襲
但系事實上又有几多野可以比我地”創新”啊?!
所以寫左咁耐...
完全系响度玩緊文字遊戲~嘿~

繼開題報告比miss彈返轉頭後
初稿又再一次遭到同等命運...
唉~五月中就答辯啦~
提醒自己，今日系4月2號...

仍然打雷中...
睇黎夏天就到啦~