里幾日都唔知點解覺得自己無咩心情, 對人好多時都系應付式咁樣, 突然之間覺得自己好倦, 唔系指身體上既, 而系心理上既......
自從之前發生咗件事之後, 我既心情就一直開心唔起黎啦, 心情就咁樣一路沉悶住, 無咩辦法可以好返.....
人點解要生存呢? 其實人生存系唔系有咩特別既意義既呢? 點解我仲未搵到里個意義呢? 成日都覺得自己好無用, 幫唔到人, 我總系覺得自己在世界中浮沉, 無目的, 無意義, 就連自己既工作都提唔起勁, 每日只系好想唔返工, 躲在屋企, 用被蓋住頭渡日, 但系我知道我唔可以咁做, 因為咁樣做于事無保, 我亦都知道自己在度轉緊牛角尖, 但系我又出唔到黎, 總系調整唔到自己既心理, 覺得有少少壓力, 搞到我里幾日食野都無咩胃口, 總系食少少就飽啦, 希望我里種情況可以快d好返啦, 因為我里幾日都唔想見人, 但系日日我都要走出門口見人, 覺得好辛苦, 好苦悶, 但系我又無能為力......
人生不如意事十之八九, 系唔系一定要經歷過某d野人先致會成熟既呢? 但系點解里d所謂既經歷大多系唔好既事黎呢? 系唔系人只要經歷過唔好既事, 先至會有可能感受到幸福既到來呢? 咁幸福幾時先會到來呢? 點解先至叫做幸福呢? 咩都唔知系唔系就叫做幸福呢? 咁樣真的系幸福咩? 我懷疑......