Override﹣銀行術語，當前線同事遇到大數額或特別的交易時，上司便會覆核你輸入的資料，確定無誤方批準完成交易，review和批核的動作便是override。

如果人生都有個人在身邊幫我override，那可能一切都無風無險的渡過，但人性犯賤，不錯過總不心息，明明身邊的人在提着你，‘仆街仔，唔好亂黎呀，一陣間又要correction啦．．’唔信邪既你一於少理，結果當然要痛苦地做correction。我成日話無計劃既人生先係真正既人生，但係當自己領過野，或者睇住身邊既人犯錯，就唔想下一代重來一次，希望佢做決定前我都可以override左先俾佢做。但係領野過程故然痛苦，但學到既經驗更加難能可貴，做一棵風中勁草總俾溫室小花強，在仆街中成長早已是小弟的生存哲學，但不要重複犯同樣的錯，因為還有其它的錯等着你去犯啊，哈哈。