PB，是銀行業界對高級客戶的術語，例如:Premier Banking, Premium Banking, Priority Banking etc……，總之，你企起銀行大堂大叫:我係PB，搵人黎!!!!!!你係惡晒。

PB客戶是銀行的重要客戶，他們理所當然是VIP (Very Impolite Person)，他們當中亦彬彬有禮的君子，但只佔極極少數，根據鄙人的觀察，他們大多數是貪得無厭、狗眼看人低、自視過高、寸過碼頭苦力的被害妄想症病人。

他們無時無刻都要求有免費禮物和着數，行過就要攞，無就發老脾，覺得你地玩佢，呃佢，搵佢地笨，想偷佢地錢，之後complaint。同佢地做少少生意，幾乎要將成間分行連埋d女送俾佢地咁滯。作為一個專業的銀行從業員，你的EQ和演技要近乎達人的階段(Backoffice經常聽到充滿怒氣的粗口)，這班VIP會鬧你係監犯(?!)、死蠢+粗口一大輪，仲不斷追問點解你可以咁蠢0既時候，我的右腳便在呼喚我出一腳完美的sidekick，但可惜我很專業，我只會默默背住他們的住址，他朝一日寄一大坨屎俾佢地。

你會對古人所說「物以類聚」的真言大為激賞，冇品的客人，他們的家人一樣冇品，他們的朋友一樣仆街，基本上你鬧佢地冚家鏟都唔會殺錯良民。此外，你會對所謂相學失去信心，因為嚴格黎講好多PB客都堪稱樣衰，如果佢地上蘇民峰節目，一定係反面教材。

我又最初的憤怒，變成觀察他們的表情和豐富的寸人語錄，不斷反思他們何以可以因為數十元的手續費而大發雷霆，吼得整個大堂也為之一震，為甚麼他們會覺得地球是因為他們而轉的失控自大，我覺得銀行業是研究人類心理好地方，PB們都是好對象，他們視矛盾為無形，尋找高回報、保本、年期短的投資產品，如果你搵到，記得打俾我。

我會加油!!!!