我：大師，贈我兩句啦。

大師：贈你咩先？無啦啦點贈？你有乜想問？

我：是但啦，隨便講幾句。

大師：唔…睇下先……你間房應該好亂。

我：嘩，咁你都知？

大師：咁準唔準先？

我：準！重有D咩呀？

大師：你同你父母關係應該唔係太好。唔係話你地之間發生過咩事，只不過你就係覺得自細就無其他家庭咁好。

我：有D料到喎！重有呢？

大師：睇你個額…你應該好鍾意睇書，乜書都會拎上手睇。

我：咁你都知？有無搞錯？

路人甲：咁四仔係咪都睇呀？

大師：總之乜書都睇啦。鹹濕既人，眉毛會淺而細，你唔算。睇你個鼻，你洗錢應該比較疏爽喎，甚至係大洗。

我：都唔可以話大洗，但有時真係唔會咁計較。

大師：五十歲前後，你最好諗D方法，「擲」住D錢。如果你信得過老婆，就將D錢俾晒佢，信唔過既就買間樓啦。

路人乙：咁保險公司D儲蓄保險得唔得呀？

大師：梗係唔得啦，個D錢你幾時都拎得，最多咪無晒D息。買樓最好。

我：大師大師，重有D咩呀？講多兩句啦。

大師：你鍾意搞好多野，無時停，唔靜得落黎。

我：呢樣就梗係啦。

大師：睇你個流年……廿八歲應該最掂。卅三歲又會好過卅四歲，所以如果你覺得卅三歲個年唔多掂既話，就小心D喇。

我：哦…明白明白。

大師：而且我睇你…有排都放唔低第一個女朋友。

我：……