5月28日 (星期三)

考試日期到左啦。一早就打電話叫醒個遲到王同學仔，真係令人失望。佢己經放棄到唔返學考試啦。好彩佢都係唔返朝早個一堂。

所謂既考試其實同平時既練習有咩分別?但係我都唔多識喎。我做左一生人最cheap 既野，都見到哂0的人既真面孔，人人都係自私。最後我都可以通過合格，哈哈，咪就係因為我有辦法之麻。

遲到王同學仔唔單指係遲到勁，重係一個懶訓既人。結果係lunch 之前佢都係趕唔切返黎架。我又黎一個人生既第一次啦。唉，真係好鬼hurt 架。你話所有既第一次係開心就話啫，但係今日既絶對唔係囉。

下晝既2個考試，頭一個都可以接受，第二個考試真係…..似玩多0的囉，所有既野都唔係認真。對我黎講係好事，但我都知係咁，所以我先會有呢種態度黎面對架咋。到最後我都可以係呢個環節通過合格，但最終個考試我相信唔會好得邊啦，我都要求好簡單架咋，但求合格過關就可以，我呢0的就係香港人啦。

約左個買家係火車站交收，係個個情況下，朋友仔就提議我咁做，起初我都心大心細，因為呢個都係一個責任，都要搵條命去摶。最終我都決定咁做，係~換來既結果係………之後我都有0的後悔…………………

無啦啦又入左總基地啦。一心諗住首領唔係度，所以決定入去架咋，但係我地上緊去既途中，佢地返左黎囉。0的時間真係岩哂啦。我就係唔想見到佢地咁死既樣，真係唔識表對呢0的環境。結果我上左去加加2個鐘，只係半個鐘頭係坐係度，其他時間都係幫手做古厘架。每一次都唔知點解會入去，明明已經決定左唔去架啦，但係一聽到佢把聲就…………..唉。都唔知係我個心軟定係佢既影響力強呀!返出去食野已經係11點啦，但係我地都叫到滿枱係野食，真係好鬼驚。係呢0的時間重要食野重要食咁野，真係有0的罪惡感。如果我唔係在職人士既話，我相信我可以好似朋友仔一樣。我既選擇係一個責任。又可以係話建立自己係其他人既印象啦。所以我最終都係選擇左自己張床。