040801

諗左好耐.......又去又唔去，到最後我都係去左既「石天夏季遊船河」。
係葵芳集合，一入去食早餐，就覺得不妙啦。事關我見到一個熟口熟面既阿v，佢同趙哥都幾熟架，有0的怯!!!加上又見到無估計出現既人，跟住個人就心不在然咁...，最得人驚既就係，就係無論男同女都係著短褲架，得我一個人著長褲，真係..........本身自己隻腳......唉....好唔開心呀!見到個個都白雪雪，而自己........。

係未上船之前已經食左丸啦，但係點解都暈船浪既???係想嘔既時候我既然衝左出去玩香蕉船，哈哈，俾我想像中無咁好玩，係唔係因為個船家唔係開得好快呢?????所有人輪哂之後就食野，但係我重想嘔，點食得落呢??結果食左好少.........跟住就游過去沙灘啦，係游呀!!!都幾遠下....好彩去都重有氣，
但係返黎就..........咪就係以前我個社長囉，叫我睇住佢，男人之家，要我女留之輩睇住佢，真係幾好笑。但其實我個時都唔係好夠氣，重要我睇住佢......，之後我咪......真係唔好講，真係第一次咁樣衰，唯有拉住佢啦，之後就附近0的人拋個水泡俾我!!!諗起都覺得自己好樣衰，點解會發生係我身上架??

好彩成個旅程，恒恒都算係幾照顧我咋，不嬲都唔太習慣咁多人既活動。嘩哈哈，佢既表現都令我好滿意呀!!!

返到上岸，發覺自己係黑左好多好多好多!!!!!!!!重要大脾發熱，一定係哂傷啦，好似俾火燒一樣咁呀!!又紅又腫呀!!返到屋企，重要俾趙媽勁話我哂到咁樣，叫我以後都唔可以哂太陽!!!我自己都覺得好核突呀!!!我要告別太陽，閉關一排先得啦，有咩Outdoor 活動，唔好預我啦!!!!我要變番白人，做番自己!!