距離2010年2月3日都過左差唔多一個月la!
亦即係話我已經休息左將近一個月.
係呢段時間, 間唔中都會擔心吓之前公司d人到底搞唔搞得掂,
因為聽講新黎ge女仔返左一日工就辭職唔做lu~ hoho!
佢地都有打過電話問我有d野應該點做.
我有時甚至連發夢都會夢到自己返公司做野tim.
唉! 睇黎呢份工俾我ge壓力都幾大,
定係講得好聽d, 我份人太有責任心la! wakaka!

不過講到而家, 壓力開始轉移到其他方面.
至緊要ge就梗係搵工方面la!
如果要即刻搵到一份工黎做, 我諗都唔難ge, 最多做返以前個d,
不過之前我仲想諗吓其他方面, 但係到底係邊方面呢?

2010年, 虎年, 即係我ge本命年, 犯太歲呀!
電視d風水師話屬虎ge人今年運仔麻麻地,
又容易亂諗野, 鑽牛角尖, 又易有意外,
擔心到立春個日即刻去捐血, 年初一又去拜太歲.
對我個人而然, 一個字"差"!
情緒又易會好快低落. 呀!!!! 我唔要咁呀! >_<

除左搵工, 仲有一個多月屋ge租約就滿la, 到底要搵過間屋定係續租呢?
唔知呀! 要睇吓業主加唔加租先. 好煩呀!

媽咪就梗係想我搵到份政府工, 搬返去同佢地一齊住, 仲有就係要我快d拍拖la!
講真, 呢三件事對於我黎講真係有d難度.
政府工? 好多時都講運氣, 自覺自己運氣麻麻... 不過我都會去試下ge!
搬返屋企住? 除非買新屋la, 如果唔係我真係唔想一齊住, 而且最重要ge問題係相處, 好難, 好難!
拍拖? 最近成日都叫人介紹, 但諗深一層, 點解要做呢d野呢? 我根本就唔想拍拖, 做呢d野就好似做show咁, 目的就係令媽咪放心.
唉~ 咁你到底想點丫?
冇! 冇得想點ga! 仲可以點wor~ 唯有試下搵lor!