放榜之後那日，我地一班朋友吃晚飯，再去中央公園遊蕩。期間大家研究誰會最先破處這個問題。我記得當時得票最高的人係我、阿寅、阿ke。我係有份投俾阿寅同阿ke的，原因之一就係佢地靚仔，搵起對象上黎一定容易過其他人。第二，因為佢地性慾強。投票之後，阿酬就解釋各人得票多少的原因，例如點解阿達一票都無，阿寅同阿ke爆燈，仲揭露埋大西同阿達「嚴謹」的一面。對此我先覺得頂癮，因為好耐都無做過咁無聊的投票，而且仲有專人當場解畫。然而我更加地感到詫異，我原本以為大西同阿達都會有幾票的，點知佢地在阿酬口中竟然變得如此渺小，如此「女性過敏」．．．阿酬對佢地的評價完全與我想像中的佢地唔同，例如大西，這種對女生親切殷勤的紳士，理應在情場如魚得水至係，點知．．．又例如阿達，男人味十足，把口無時停，應該好識得冧女至係，點知．．．原來我之前對佢地的觀感都只係一種誤解，認真慚愧。講講下講到阿ke,咁就不能不提阿邊個邊個啦。到而家佢地的事跡仍然好似神話一般地流傳（也許像神話一般不能理解?），猶其是那幕「老豆返黎，偉哥勇救痴男怨女」，簡直係百講不厭。跟住到阿寅，大家支吾以對，算啦，希望佢明白我地的有口難言之苦啦．．．
跟住到阿酬，我同阿lin都一致認為佢係故意性冷感，例如在睇片的時候唔扯旗。其實呢樣野大家早有共識，所以省略地講，阿酬，你做硬一世青頭仔架啦，除非你咁幸運俾人強姦啦。到思榮，完全唔記得，因為個陣太急屎，完全集中唔到精神聽。

跟住到我自己，其實我好奇怪點解大家咁俾面投我，自問唔靚仔，做野同講野又柒，不良於運動，讀書又唔係特別勁（中文得個D，到而家我仍然好撚唔GUR,阿盛都有個B）。不過阿達講左一句，令我呢幾日不斷沉思呢個問題。佢個陣話「我投你，係因為覺得你好夠薑」。（跟住阿LIN就憶述上次去CAMP買厠紙個幕．．．其實我無諗過我講一句會有咁大效果，真係幾意外，同埋幾自豪。）我到而家仍然諗唔通點解我係人地眼中係好夠薑，但在自己眼中就覺得自己好細膽，究竟係咩原因呢？究竟係其他人唔理解我，定係我唔理解自己呢？我諗左幾日，終於都有個概念。我發覺我每逢有令我緊張的事，我一係逃避唔理，一係就深呼吸，跟住就豁出去，完全唔考慮驚唔驚的問題。啓發我得到呢個諗法的係一件中四時候的事。那就是我幫鄭楠香人群女孩課後溫習的事。由於個陣怕女仔的病未醫好，加上之前又大叫I love u，搞到自己好似犯罪咁，一見到佢就好唔自然，再加上仲要有三個女仔壓場，不出所料，大約十分鐘後我的忍耐力到達極限，我臉紅了．．．我知道這是最無面的事，我當時真係恨不得當場瀨屎，等自己有個借口去廁所整理一下自己。然而我又知道，只要我想做d乜野黎掩飾，我只會更加面紅，更加仆街。就在危急關頭之下，我豁出去了，我竟然不荒不忙地同佢地講：「唔好意思，我有點怕醜，所以我面紅了。」就在這一剎那，我釋放左自己，我竟然有種衝動想盡情面紅落去，因為我已經坦誠地話俾對方知我最怕俾佢知道的事，再無乜野值得隱藏了。雖然咁樣無幫我消除面紅的困擾，但我接住的時間係愉快地面紅的。

呢件事同夠薑有乜關係呢？相信聰明的讀者已經估到，我夠薑在敢於俾其他人見到我最柒的一面，甚至以此為樂。而呢樣係好多人都做唔到的。我諗呢樣都可以算係性格上的一大優點掛！究竟我呢種特點係如何形成的呢？我諗這要和環境給予的安全感有關。簡單黎講，我放膽柒的地方通常都在呂中之內，而在恒商我竟然做左一個木獨佬，雖然也能勉強講大量笑話，但始終無左那種無拘無束的感覺。一句講哂，熟悉與不熟悉的問題。明白自己有咁的優點，令我有種優越感，一種因顛覆常識而得到的強力感和快感。希望以後都能放膽地柒下去。