上個星期二文SIR(地理科老師文文)突然話星期六會帶我地-地理人去東平州,真係好呀!!雖然事出突然!!但好期待既呢!!出席既人有高比,珊珊,呀淇,呀鬼,inti,秋ling,呀邦,o仔同埋我!!
到左果日,6:25am約左珊珊,inti響樓下m記買早餐,買完去巴士站度join埋o仔同呀邦一齊搭261去上水,點知架巴士唔知發生咩事,唔可以再行.於是我地就要轉搭後面架261P喇~仲以為個司機暈左,點知一落車見到佢仲在生,呀們!!好在我地亦準時到達大學火車站!!見到文文,仲見到好多低form既小妹妹=.=(o仔仲好受歡迎tim呀@_@唔知高比有冇呷醋呢!?哈哈)

去到碼頭,見到好多自由人(行)同埋咩油麻地團,好有大陸feel呀~我鍾意呀^^上船之後,我地呢班後生仔女當然唔會坐定定啦!!我地全程都企左響船頭果度吹風同唱歌,我仲一路攬住高比條腰tim,哈哈,都幾嘔心呀,佢好似好enjoy咁,其實我想佢幫我擋住d風姐^^唔該晒
沿途景色好靚,而我地亦都唱左好多歌,跟住文文無啦啦唱刀郎d歌,勁驚呀(好奇點解佢會識唱@_@)坐左個零鐘船,終於到達東平州了…一落船,見兩個型仔警察(一個似鄭嘉穎,一個似陳豪),雖然唔講得上靚仔,但響d咁偏僻既地方,有d咁既差人,實在令我地好雀躍^^

開始我地既行程喇,整日所行既路都冇咩係平坦既,9成都係凹凸不平~行到好攰!!不過行得好開心, 因為我地有一大班人,大家都互相扶持,而且沿途既風景都好靚!!我地又上山又落山,上懸崖落懸崖,其實都幾危險嫁,因為好容易會趺落水同割損手~不過大家都好有team work精神,個feeling真係好正呀!! 其實我本人好enjoy行懸崖側邊d路,因為真係用腦諗下點先過到去,而隻腳又唔濕,真係好有挑戰性,滿足感仲好大im,不過最終我隻腳都係濕左,唉,失敗!!算啦,希望下次有機會我可以成功~


去到沙灘,我地又不停玩”片石”(唔知點打),我試左好多次都唔得,多得o仔既教導,我地好多人都成功左,當然冇佢咁勁啦^^行到一個懸崖邊,發現d岩石上面有盬,我地好唔衛生咁試味(嘩!!勁”咸”嫁囉)跟住我地成班人好似四葉草咁,不過我地唔係「赤沙印記」而係「赤腳印記」^^因為我地除晒鞋襪浸腳仔,d水浸浸,而我地就熱辣辣,真係好涼「爽」呀^^不過文文只俾5分鐘我地,有d唔滿意囉><
臨近尾聲,去左一間叫「新昌士多」飲野,食呢個叫做山水豆腐花,文文話係「井水豆腐花」,味道真係與別不同,都唔錯,好軟好滑!!後尾文文仲加料tim,整左碟「椒盬鮮魷」,味道勁正啦!!真係多謝文文喇!!!到左5點零就回程喇,今次出trip都玩得好開心啦^^而且仲好難忘tim!!真係幾好玩~~不過文文真係好絕呀,我地咁多人勸極佢都唔肯放過我地,佢係都要我星期一quiz,唉!~~真係好攰嫁ma~~而且我第二日仲要去bbq,真係好想死俾佢睇呀…

到左夜晚我地班人叫埋bear sir(世史老師)去左華都間東星酒樓打邊爐,因為佢成日食我地食野.所以今次我地請番佢,唉,星期六既市中心勁多人呀,等到9點幾先有位,當時我地個個都勁眼o訓,食食下都真係可以o訓得著,打到差不多十一點就歸家喇,真係好攰!!!!頂唔順,沖完涼即o訓zZZZ