測驗(ut)終於都完喇!今次既測驗真係懶到出汁,完全當它不是一回事,最終都係後果自負,我明白的!!測驗期間,呀哥個女朋友經常黎我家探訪,她每次黎到,屋企總會有好多野食,唔係買就煮,真係唔該晒,仲幫手洗埋碗tim!!真係好,下次不如幫手曬埋衫丫^^唔該晒

o係測驗既最後一日,例牌都係去街,通常都係唱k。
今次就去左睇戲----<桃色>同埋<小白龍情海翻波>

淇+珊+高比+我=四個女仔去睇<桃色>,我入去睇係因為"好奇"!信不信由你啦~買飛果陣確係有點兒尷尬,好彩係高比出面買飛姐,而我地就o係側面睇住佢買。嘩!!!一睇之下,唔係呀??得1個觀眾?而我地就係第2,3,4,5個~估唔到咁少人囉真係(可能仲有20分鐘先夠鐘,d人未買啦+_+)入場果陣,收飛呀伯話今日仲乜咁後生女睇=.=(感到好無奈)入到去先知,都有廿零人睇,咁都好d~起碼食薯片可以大聲d^^
開場了(萬眾期待)~
唔係啵,絕對唔係萬人期待,係萬個細胞期待,因為根本就冇咁多觀眾,佢最多都得d呀伯做fans~.~
對呢套戲既影評:
-章小蕙好美麗,
-河小姐好小姐,
-果個日本呀嬸女郎好似”天國”果個美蘿
-兩個男主角好得,好型
-d佈景好靚
對於呢套戲,我都唔想講太多,都係留番個好印象比自己,比大家!

睇完之後,我地四個就去左吉野家度搵O仔一齊tea,食完佢地就走左.我同高比再續戲緣,因為見係星期二,凱都睇戲都係$35,所以就去左睇小白龍囉~
嘩,呢套戲好睇到要讚呀!值得推介呀!
最記得吳鎮宇(飾演盲人)見到柏芝支笛跌左落河,跟住佢竟然用支竹好似釣魚咁去釣番支笛,超搞笑,但後尾佢真係釣到wor,勁~~我都想知佢用咩魚餌囉!!
另外,有句對白好深刻~
事緣係夜晚黑媽媽時候, 盲佬(鎮宇)執番d銀兩,而柏芝就叫佢聽朝先執
盲佬就話「響我心裹面,幾時都係夜晚嫁啦!」當時我即刻諗,咁又係,佢講得好o岩,我地根本就唔明白盲人既感受!!其實套戲都有好多搞笑同感動既地方~真係幾正!

之後滿足完高比既購買慾就歸家了!