星期一的確係一個好日呀,哈哈,因為我去左睇劉華演唱會呀,
第一次睇佢乍,雖然我唔係話好熱愛佢,但話晒佢都係一個好好既偶像,全香港咁多人都鍾意佢,一定唔少野既!!

不過星期一仍然都要返學&測驗,geog又測喇,唉…算啦@
我都預左中七會係咁嫁喇,真係好想快d考完個a-level呀~~

星期一果日一返到去,唔知點解,又會有咁多著便服既人+軍裝差佬响學校,開頭都唔知佢地响度做乜,後尾聽呀sir講先知,原來係等緊d人點票,係wo,唔記得左學校係投票站tim~唉,跟住我就諗…最好d人好似港島區咁,要求重點,點多幾個鐘,跟住全校同學返屋企o訓教,哈哈!!geog今次放學先測驗,唉,呢次真係”窩河”喇,比個圖累死,算啦,我絕對係「低能植被」呀!! 冇得救@_@唯有扮miffy啦 (^ × ^)

放學走果陣見到教我宗教miss wong ,我好奇咁問佢:「miss wong呀,點解你呢一年黎瘦左咁多既 ?」講真,我真係覺得佢縮晒水,但佢好似冇乜精神咁~
跟住佢就答我…原來佢自己特登減肥…點知原來文sir响上面樓梯偷聽我地講野.
仲搭訕tim=.=佢仲問我ms wong減肥果陣會消耗好多咩?!好在識答姐,咪就係”呼吸”囉,唉,其實我都唔係好記得喇~文sir同我就講緊生態系統d野,ms wong就唔知我地講乜…

而我就嗱嗱聲返屋企,竟然……搭巴士見到呀龍,好可惜,佢都見唔到我,咁我都唔會走去叫佢既.(因為佢有fd响度)佢都冇乜點變丫,多左隻耳環囉,都係咁型囉,到目前為止,我仍然覺得佢好似周永恆^^

六點幾先出到黃埔去搵icy姐,打比佢睇下佢收工未…跟住我地就去左食雲吞麵,大鑊喇,落得太多辣醬…中招=.=
8點三準時(興奮地+雀躍地)入場,竟然送呢個花露水,的確係幾「露」既~其實入地果陣我已經好眼o訓,冇計啦,返左成日學,而且之前又只係o訓左三粒鐘…不過算啦,見到劉華都清醒d~以下係我對呢個concert既評語

＞d衫好靚,佢好型
＞個台好多機關,好靚
＞dancers好型
＞有學友做嘉賓,正
＞”練習”同”笨小孩”好好聽
＞睇concert其間有四個玻璃人企左起身,阻住晒,令到在場人士好不滿,好想打佢地
十一點7散場, 等車期間好無聊,打比房兄吹水,其實想叫佢起身溫書~
上到車已經好眼o訓,仲o訓著埋tim(好在冇流口水)返到屋企已經好夜,第二日仲要返學=.=

尋日(星期二)當值好開心,可以看返我至愛既2c班(上年1c),見返呀女,叫我幫佢釘返粒鈕,感覺良好~

多謝icy姐陪我搭車^^