都話左要勤力就講得出做得到，尋晚好想訓覺之際，沖左一杯齋啡黎提神。我人生第一杯無糖又無奶既咖啡！！對於平日絕少甚至乎係唔飲咖啡既我，真係苦到爆炸，好難飲都逼自己飲，但亦都多得佢既苦，令我成晚好用心讀書、讀lecture notes、仲讀埋foundate notes。估唔到發力真係會溫得完，而且仲有時間許可可以覆書，覆完書沖埋澡再食早餐，到8點零至落樓，約好johnny一齊搭車去馬場考試。份卷比我想像中淺，原本expect自己會一路做一路驚，不過最後都冇野，考完試好輕鬆，執番一身彩。但我點都估唔到，一晚冇訓我左邊臉就出左一粒紅色暗瘡，呢個就係通頂既禮物啦，好醜，而且Mandy第一眼見到我，竟然唔係問我識唔識，而係摸住我塊臉問我點解好耐冇見我就殘左咁多？？？點解？我點知點解呀，忙就殘囉，唔識得愛惜自己囉，睇黎我極度需要收埋自己好好休息下。我記得兩個星期前自己寫日記話預計未來2 weeks會忙到癲，係啦，冇expect錯架，我真係好支力，both個身體、個心靈、個腦袋，好想停低，但一停落黎我又唔鍾意，真係煩。其實o係呢個時候，我好想有人聽聽我講野，講下d無聊野、低b野、8卦野，開懷咁大笑。