我自問係一個籃球fans, 而我本人有一個好好的習慣, 就係一個星期點都至少打一場以上 (星期日早上唔下雨就一定打), 離我家唔夠50步的地方有一個籃球場, 個天真係對我好, 唔洗坐車搵球場都有得打......哈哈

自問打得唔係叻, 講真, 跑就一定唔夠d後生仔跑 (我30, 佢地20, 點夠佢地快及好氣) 我發覺到我地呢個年齡打球, 真係要食腦, 如果唔係點夠打....

有一個波友同我講 "其實以你呢個年齡來講已好好啦, 你仲可以係咁跑同跳, 好多人同你同年已有個好大的肚腩....., 你個身型比好多後生仔仲fit " 想一想, 佢又講好似好對, 由細到大, 雖然我而家係肥了, 但都唔係叫肥, 只係以前太廋

再者, 同我同年的,我身邊的朋友真係好少運動......

到我地呢個年齡, 打籃球已唔為求贏, 輸亦不介意, 都係玩一場, 只係求建康, 最重要係出身汗, 保持個人的體能

一講到打籃球, 而家又好想打

我真係幾大 "引" 打籃球ga

如果你地想打, 約下我啦 =)