D朋友仔又陸陸續續咁走喇, 有d就係要返去讀書, 有d就係要過去讀書…
有d分別架下……聰明既你地自已參詳下

剛剛過左果個12月其實真係好熱鬧架, 好多朋友仔返左來, 唔好講到話出街咁”隆重”丫, 只係佢地剛剛返來無耐, 無啦啦打畀你, 同你講 [喂, 我返左來喇, 搵日出來食餐飯丫!] 甚至係夜晚同佢地icq時終於可以唔駛再迫自已打英文, 可以開開心心咁打中文果種feeling已經令我好開心. 畢竟, 唔少朋友仔都只係可以一年先返香港一次, miss左christmas哩個機會, 就又要再等11個月…….

至於另一類就係要過去讀書既朋友仔, 今年個情況好左架喇叫, 回想返上年剛剛考完CE, d朋友仔真係可以話係湧到咁出國. 無錯, 就算佢地響香港讀書, 由於唔同學校既關係, 都可能要個幾月先有一次既聚會. 但係, 始終都叫響香港丫, 有d咩事, 都可以叫話搵就搵丫. 而今年可以話係 “該走既都走盡晒”, 所以, 今年就無左上年果種 “一下子少左好多人”既feeling. 不過, 少極都仲係有.

其實有得走就梗係好啦, 你睇宜家我地個香港, 一劈野咁. 可以走我都想走. 不過, 我仍然坐響土瓜灣響度打新聞當然有我既原因啦. 所以, 其實你地(走左既朋友仔), 真係要畀心機, 雖然係唔捨得, 但係你地哩下既”忍痛”在我來講係值的.

好彩, 一年, 甚至半年之後我地又可以相見…… :)

給
響外國奮鬥緊既朋友仔們