今日, 我地派左敗柯既卷, 全軍覆沒咯可以話係. 唉, 下次一定要畀心機……

空堂果時, 我啦, 王生啦, 黑仔啦, 仲有光頭4條友坐埋一齊傾計, 傾傾下先發覺原來大家平時上網都係去同一個地方浦, 果然大家都係志同道合既人……嘿嘿嘿

去到下晝, 我地就睇番2條好耐都無睇過既片(shaking elephant同嘔……) 講真, 自問對核突野都叫幾忍得, 但哩條嘔片真係唔講得笑, 係唯一一條可以令我有反應既片……>< 如果你地有興趣, 問我, 我一定sent畀你地!!

不過, 之後就發生左d唔知係好笑定係唔好笑既事. 事緣就係我地班串人王又走去串矇矇講野. 唉, 矇矇真係幾陰公架我覺得, 係咁畀人串, 唔開心都好, 都一樣要默默承受住果d完全無意思要去收既說話……><不過, 有樣野我就真係覺得好值得我地學習既係矇矇果種超然, 佢已經係清高到唔理塵世既事……well, 真係好強……!
如果我都可以咁, 係話可以煩少幾多野哩……

好彩, 天係有眼既, 派出左其中一個阿嫂去罰呀串人王, 睇見佢上氣唔接下氣果個樣, 我就明白細個果時成日聽老人家講既 “善有善報, 惡有惡報, 若然未報, 時辰未到”係咩解釋喇……^^

不過, 串人王又衰唔晒既, 佢先頭提出左一個好有建設性既提議, 就係去剷紅毛鬼一鑊, 整鋪杰既佢嘆喎……我支持你架真係, 你要努力呀, 中七理既福祉就響你手上!!!