我因為住響土瓜灣哩個無地鐵, 無火車既地方. 所以, 我日常出出入入都係坐巴士, 近又好, 遠又好, 都係巴士搞掂. 久而久之, 我坐巴士其間, 其實都有唔少感興……

如果大家自已一個人坐巴士, 而又咁好選左一個2人位坐. 咁無可避免地, 你地對自已隔離將會坐一個咩人都會幾關心.

如果有一個建築從業員上車, 滿頭大汗, 一下盯住左你個位仲越行越近, 你個心都會寒一寒, 求神拜佛佢唔好”得”落來.但如果上車既係一個靚女, 佢又越行越近咁, 我相信好多男仔都會諗, [如果佢坐埋來就正喇……].

不過其實細心想一下, 無論上車既係建築從業員定靚女, 佢坐唔坐落來你都無得選. 就算你搵個書包得住響個位度都好, 佢企響度等, 你好意思一直唔拎開個書包咩??分分鐘佢扔走你個書包自已坐呀!

緣, 其實就係同一樣野
究竟咩人會響你身邊落腳, 又或者幾時會走, etc.你根本就唔可以控制. 悲觀少少講, 你根本就係聽天由命.所以, 有時緣起緣滅, 睇開d啦, 唔駛咁在意……分分鐘下個上車既係港姐哩 ~~ ^_^

但如果你覺得, 宜家坐響你身邊果個姐姐好正, 就唔好唔記得邀請佢同你一齊搭到去總站喇……落左車, 好難再問架喇!